最近某前偽人分享,人稱「固老闆」,又話友人賣樓去大不列顛買兩間大屋,以後一自住一出租可永續,點知計唔掂數,家人有病不能即時睇醫生,心力交瘁回流。又話短時間不住換首相,又約翰遜,現在辛偉誠,中間原來仲有卓慧思…云云。
首先移民係重要概事,必須有100%的準備,要投資也不應all in某一項目,預留足夠資金周轉,買得兩間大屋,資金已比許多人優厚,冇可能攪唔掂,係部署失當所致,至於睇醫生,要先登記了GP,仲有小病,人地唔理你,大病才會理,家中應準備好各式藥物自保,這些事移民前應了解清楚。
至於短時間轉三位首相,是民主國家才會出現,固老闆雖然賺錢了得,但未必見多識廣,知道外國的風土民情,只知道天朝今上可以永續,但全世界大部分地方,尤其西方民主世界,都不是這種玩法,真係「少見多怪」,我地活在民主世界,已經「見怪不怪」了。
每個民主國家的公民都有選舉權,天朝承諾漁村普選立法會及行政長官,廿幾年都沒有兌現,一招「完善選舉制度」KO,都唔洗等2047才變,大家都心照不宣知道發生甚麼事,固老闆講這些說話,所為何事?「司馬昭之心,路人皆知」。
(有圖有真相,政府發信提醒我登記做選民,可以上網登記或用實體表格再用回郵信封寄回。)
沒有留言:
張貼留言