移英日記（四十）忤逆王子

 最近「蝦你」王子出了新書「後備」，據說在美利堅合眾國熱銷，不過在大不列顛就反應不一，不少書店甚至30%off或50%促銷。因為大不列顛國民大都不滿忤逆「蝦你」王子及毒婦「霉巾」的所作所為，繼最初批評皇室，至後來退出皇室，又出片、出書唱衰皇室，無所不用其極。

英國皇室係咪好？我不能說，但看過Netflix的皇冠，認識多了皇室。我記得片中有一幕，女皇伊利沙伯二世得悉父親辭世，火速趕往英國，落機時，菲利普親王想陪伴女皇，管家立即喝止，指出女皇先行，作為女皇丈夫都冇面俾…由此可以見到，英國皇室的傳統，注重禮節、禮儀，或許有人說過份保守，但你不得不認同，正正因為女皇堅守這些，贏得國人的支持及愛戴。

（留意菲利普親王，永遠只能站在女皇後面，這是皇室傳統。以往都冇問題，只不過伊利沙伯二世是女繼承人，才會覺得異樣。）

英國係君主立憲國家，英皇只不過名義領袖，實際管理國家係首相及執政黨，倘若英國皇室不再注重傳統，慢慢會失卻國民的支持，輕則削減皇室開支預算，嚴重甚至廢除皇室的可能。

「蝦你」及「霉巾」對皇室的批評，只不過是他們的一面之詞，從來沒有與皇室當面對質，當然皇室亦不可能高調反駁，將皇室家事變成娛樂新聞。

「蝦你」說大哥威廉王子打他爆粗，並叫他還手，好像小時候一樣，但他卻沒有。如果真係男人，就應該據理力爭，向威廉揮拳還手，我仲尊敬你係真漢子，你嗰一刻唔反駁、唔還手，自己都覺得理虧，就算了，卻事後出書大駡，真係小人。「蝦你」咁樣傷害皇室，即或威廉唔出手，父親查理斯也會出手，長兄為父，代為出手。

王利民牧師：「一個愛家庭的人，唔會壞得去邊。」

我說：「一個唔愛家庭的人，好極有限。」

（兄弟打架，有甚麼出奇？一個人如果要出賣家庭秘密，訪問、出片、出書，唱衰皇室，為了維持美利堅上等人的生活，這個人的心究竟怎樣？）