英國道路交通（三）

 英國道路過度人性化，車路已經狹窄，又要加上單車徑，唔理使用率高唔高，越窄的地方，更加上樁柱，我推過有回彈力，但也會整花車身，迫使駕駛者貼住中線行，Medical Centre出面有幾個泊車，都係好人性化，加裝行人過路的安全島也是人性化。基督徒有神性，變成冇人性，有人性，變成冇神性，難以做到中庸之道，當道路設計過於人性化，則對駕駛者的要求只會提高。

本來是一條直路，當左邊有車左邊停泊，或有單車徑並加裝樁柱，一定係偏中線駕駛，至安全島，突然要偏左，過了又偏回中，明明係一條直路，卻要右、左、右。

（漁村學揸車，我們都很守規矩，車永遠在兩條白線之間，但上圖路段，左邊有柱，分隔兩邊車的緩衝夠闊，靠右貼邊駛反更安全。）

英國更多用迴旋處，如果唔留心，也十分危險。

上圖已不知不覺進入了迴旋處，但你留意地面的指示係甩晒色，唔清楚，如果冇減速或停下睇清楚，十分危險，如果去迴旋處九點位、或十二點位用左線，三點位用右線，但如果唔留心這是迴旋處，右線跟地面右轉指示，會立刻撞車。

正路做法，入迴旋處前，應有迴旋處路牌指示，如果極危險繁忙路口，再加紅色stop路牌，路上粗白線，迫駕駛者停下。若非繁忙，也要用三角give way路牌，路上虛線，安全情況下駛出。不過現實環境係沒有，或者甩晒色，冇劃番。

既然路面未必有足夠指示，如果遠處見到多重黑白箭咀的彎路指示及藍色強制左方行駛，便要提高警覺，佢冇虛線或者甩色，也要在路口減速或停下，了解清楚才進入迴旋處。如果冇信心，就永遠外圈走，一定出到圈，或是內圈走，理論上可走無限次走，直至你認為安全及有信心才出圈。

指示燈方面，迴旋處九點位出，路口左線，打左燈。十二點位直出不打燈，出路口打左燈。三點位出打右燈，出路口打左燈。如果覺得太麻煩，只記一樣，出路口打左燈。