移英日記（四六）文盲睇牙醫

 唔理你學術水平如何，睇醫生、睇牙醫也是必須，NHS唔包牙醫，需要自費，但跟漁村無法比較。

友人介紹某牙醫診所，近愛丁堡巿中心，駕車難找車位，唯有乘巴士，快極也超過半小時，延遲或脫班更不止，本來已預了一小時多，最後也趕到PK，某英國女士好心，點我撘airlink 100，其實只去到王子街附近，我落車後，啟動漁村趕返工模式，急步廿分鐘，終於on time趕到。

去這間診所是因為有Cantonese護士，必要時可以翻譯，我都唔想太麻煩人地，雖然係文盲，但聽得到都盡量聽，不過最後都要翻譯，因為醫生要make sure你完全明白要做甚麼才開始療程，十分小心。（聽得幾成，唔接受）

漁村時我只知翻譯叫translator，這裡係叫interpreter，意思係一樣，所以聽唔明，合情合理，要重新適應及累積詞彙，才能與人溝通。

醫生做了一小時左右，左右上下一鋪過，補了三隻牙，拔了一隻牙，盛惠97.4鎊，以1英鎊兌9.658港元，940.6港元，漁村都做唔到。（智慧齒要下次）

本來我斷食已沒有吃早餐，有16小時斷食，今次補牙物料要24小時才最硬，我順勢繼續斷食，斷足40小時。其實超過23小時已可消炎及餓死癌細胞，對長壽有很大作用，研究發現發炎越少越長壽，至於癌細胞的食物就係醣份，當身體冇晒醣份，癌細胞仲唔「拉柴」。

正所謂：「只羨鴛鴦不羨仙」，人都係短視，最緊要開心，長壽與否從來不重視，垃圾食物才大行其道，我未做到咁清高，完全謝絕，只是做到咪做囉！