IB投資系列：短炒可以，長揸免問

 因資產跌至三球，甚至兩球水平，「歪芺」已經推了「羅威」郵輪之旅，錯過了做上等人嘅機會，內心突然有種空虛感，不過所謂上等人不過是虛榮，自己是甚麼質地是知道的，攀龍附鳳都輪唔到我做。

自己唔夠「面厚心黑」，成功也輪不到我。

好似劉備咁「面厚」，加上曹操嘅「心黑」，何愁大事不成！厚黑學唔係學就學到，你唔係咁嘅人，根本做唔出這些事，好像以前做管理層，不知承受幾多上面及下面嘅壓力，到了今日，明白人性嘅邪惡，你善待下屬，只會被佢哋傷害，好好先生只會鬱鬱而終！

炒下股票，做自己所謂善長嘅事便算。

「士卑益匙」上巿，早知是波動，未敢沾手，劵商早早防止客戶炒賣，保證金要100%，咁即係無槓桿，你有幾多錢，就買幾多，唔會借錢俾你。

我就一於少理，繼續以期權搵食，因為「嬰國」計稅極其困難。上星期接貨嘅OKLO、SATS，可以再做看升期權，也沒有抽走貨。

我會盡量星期五用0.01價格平倉，再賣下星期嘅期權，因為星期五賣嘅期權一般價格會高一點，只有SATS未平倉，星期一價靚價賣出或再做看升期權，本星期賣了22張期權，收4125尾元，約32175講元，沒有計算手續費及預早平倉費用。

面厚心黑，非我善長，炒股票睇數字就得，比較容易，因為人性太可怕、太邪惡，一間預支了未來成功嘅公司，用成功後嘅價錢去買未成功嘅公司，伏味極濃，有炒賣價值，沒有投資價值，短炒可以，長揸免問！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。