始終年幾大，新陳代謝慢，又日日無所事事（人哋覺得），自然容易肥，加上麵包作為早餐主食，現代嘅麵包唔會有益，有益也不是輕易買到，高升糖指數嚇死你，為了健康把關，都要做啲野！
現在要將麵包先雪了，產生抗性澱粉，然後再焗多士，係用多了工序及能源費，但為了健康，唯有這樣，跟住又食牛油果，這種水果，脂肪成份高，容易飽肚，但十分難食，我會點小小豉油來食，有少少似三文魚刺身，較易入口，生酮就不應伴豉油，否則會破功，我純粹係想飽肚，食少一點。
運動是需要，但跑步並不適合，傷關節，遊水較佳，但要駕車去遊泳池，要日日都做到卻是很難，家中都可做才是王道。除了打拳打空氣，冇沙包，腳踢又係踢空氣，詠春散手練習，又係打空氣，不過保健最有用係深蹲，次之平板支撐，因為人體70%肌肉在下身，練到就可抗衡年幾大嘅股肉流失及基礎代謝率降低，如果喺健身室，當然負重深蹲，效果更佳，其實國術嘅扎馬，都有類似效果。
日常生活，不能太爛，才能襟用一點，每日要追聖經、追英文、追運動，日日要整野食、洗碗，日日都為生活追趕，我想除非熄機，才真正安息！
沒有留言:
張貼留言