IB投資系列：游擊戰

 我們都很容易對大上大落嘅股票稱為「妖股」，不過想深一層，要做到妖股，一定要與大巿及常理相桲，甚至反理性，才稱得上叫「妖股」。與納指同步，與虛幣同步，升跌某程度上係有跡可尋，嚴格上也不能稱作「妖股」。

「咪高車力治」不務正業，借錢炒幣，確實是瘋狂，佢老細直頭係狂人，甚至係癲佬，不過想深一層，基金佬都係做緊同樣嘅野，難道「荒舟基金」嘅「木頭姐」又係癲婆麼？佢都係借人嘅錢炒股，只不過佢分散科技股，本質上都係高風險類別，納指跌，虛幣也跌，攬住一齊死，係咪真係咁大分別。

揸住股票唔識轉膊一樣死，幾十年聽財經新聞，甚麼：萬國商業機器、杜邦化工…今日仍然存在，但你一定唔會掂、唔會炒。

科網股熱潮，炒嘅係概念，AI炒嘅又係概念，虛幣咪又係一樣，講真AI有邊間公司賺錢？嚴格上晶片股反而穩陣，「揮撻」、「抬跡殿」真係有錢賺，要跌也跌不多，要死都未輪到佢哋，不過現在才炒也不會賺大錢。

現在危機處處，要打游擊戰，甚麼股都不會長揸，邊間賺到錢就炒邊間，最緊要識走就得了。

（賺了六千五港紙，一股不留，揸這些股票，等於揸住計時炸彈，要極度小心，星期五更要小心，倘若揸住股票留兩日，虛幣暴跌也走不了。）

(IB官網也道出虛幣屬高風險及投機性，不適合所有投資者，有可能損失全部投資，敬希留意！）

（「黑哥」掛住攪政治，未有專注本業，導致股票大跌，賺唔到錢，攪到我都焗住炒虛幣股。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：妖股都要炒

 「彼突幣」重上9.6萬美元，「咪高車力治」立刻發勁。要知道這隻妖股係冇收入，純粹靠發行可換股債券，無限槓桿炒幣，故此，「彼突幣」升、「咪高車力治」便升，反之亦然。

有人預計「彼突幣」今年初升至15萬美元，年底升至18萬5千美元，係咪真，真係冇人知。有早知，就冇乞丐喇！

我重申，並非反對人投資虛幣，只是反對人All in虛幣，在投資法則上，高風險就落小注，低風險就落大注，零風險可以All in，虛幣好明顯係高風險，只能落小注，只要投資該項目跌三成至一半，甚至價值歸零，對你嘅生活完全沒影響，就不是問題。

投資虛幣，可以向虛幣交易所買（最好大嗰幾間），或買相關ETF，或買持有虛幣嘅公司，「咪高車力治」屬於後者，佢哋嘅特性也相同，與虛幣有共生嘅關係，虛幣生，佢哋就生，虛幣死，佢哋即死，沒有例外。

仲有，我講過虛幣跟股巿也有共生關係，股票升、虛幣便升；股票跌、虛幣便跌，尤其與納指關係更是明顯，可能投資這兩類高風險資產都是同一班人有關，因此虛幣雖然無常，也要留意大巿，對巿場觸覺也不可少。

（賺到一皮算唔錯，盡量一股不留，量力而為，賺到錢就走人。妖股今鋪都要炒，好似「突郎浦」冇錢發窮惡，甚麼手段都要使出，小心佢用「尾帝」扣留罪犯嘅「彼突幣」還債，到時跌到要跳樓。）

（今早-2度，駕車買老麥早餐，如果冇收入，一個家庭怎能維持呢？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：2025展望：全球冧檔

 根據過往資料分析…

「突郎浦」加關稅，環球貿易只會雪上加霜…

「攣柱局」減息放緩甚至停止…「尾債」冇人買，債價跌、債息升，「大檸樂」！

「尾國」長債連續五年下跌，2025年7萬億「尾債」到期，債價跌即係冇人買，咁邊個頂七萬億？

長債不住跌，即係冇人敢借錢俾「尾帝」，咁「尾帝」點樣運作？如果「尾帝」要死，誓要攬住全球一齊落地獄。

為保「尾債」，息率持續高於各國，導致「尾元」持續強勢。

「彼突幣」可能短暫破頂，不過…

要知道「彼突幣」與「尾股」有互動關係，股票升，虛幣升，倘若股票跌，虛幣跌。

貿易戰嘅陰霾，股巿危如累卵，如何保虛幣呢？

（「尾帝」死，也要找你哋墊屍底，七萬億債到期，「尾帝」已經無法做大佬領導世界，但亦無人可以坐到大佬嘅位置。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（207)不自由的自由

 英國要有啖好食，一係俾更多嘅錢出街食，一係自己煮，別無他法。我呢啲低奴，又係愚奴，未必有好大心思及廚技，好像移英Lesbian可完全複製漁村美食，只能整一些低能野自娛。

我在中超買到泰國魚乾，有九成似柴魚，決定煮柴魚花生粥。

甚麼都冇加，已經OK，若加埋瘦肉，不得了。

樣子並不好看，如果加啲蔥花，應該好好多。

我覺得唔需要100%複製，因為如要咁做，不如唔好嚟。最初落地，有飯食已經好滿足，75便士叮叮飯，後來加至85便士，現在已不太想買，唔想食，就算買，都係放在雪櫃Stand by，去飲茶、中式自助餐、日本野，已是每星期routine項目，現在叫做寒冬，實情雪都冇落，晚上不是煮飯，就係打邊爐。

現在係Termbreak，小兒唔使返學，去完格拉斯哥都要繼續周圍去，困喺屋企打機、睇電視，佢嘅一生就玩完，雖然都係玩，也是走出去，接觸人、接觸事，與友人一家一齊去sofe play室內遊樂場，四個人四部手機撳撳撳，友人炒幣、友人嫂接生意，我哋爛賭夫婦當然在IB炒股，我突然發現，靠炒股搵食，雖然有一定自由，如常周圍去，但根本不是財務自由，甚至個仔叫我睇佢點玩，我心裡其實不願意，覺得阻住搵食。如果想個仔出去接觸人、接觸事，父母卻是主力對住手機，雖然我哋唔係打機做無聊嘅嘢，係做正經嘅事，但係做了一個甚麼榜樣呢？確實值得反思！