IB投資系列：只投資美股、日股

 投資可買升買跌，理論上只要掌握催勢，一樣可以賺錢。

但個人而言，覺得買跌嘅逆向操作較為困難，要眾人階醉我獨醒，才能做到，好聽啲叫做與眾不同，唔好聽啲叫做變態。

投資要順勢而為才會成功，如果股巿大旺，買升就較易賺錢，好像某國加入世貿，當時幾乎你肯買都賺錢，我重記得當年保險佬推介嗰隻「忠樺威力基金」不知幾強勁，當然今日可免則免，你明我意思喇！除非你一心求死就冇辦法。

我現在移居大不列顛，持有英鎊，理所當然會投資英股，不過這地經濟增長1%都冇，賺錢少、蝕錢多，搵唔到食，冇謂多花心神。新興巿場如印度、越南波動大，盡其量買基金，益基金佬。

現時而言，可以投資美股、日股，玩少少無妨，美股一定用現金買，日股可借IB孖展槓桿買，減少日圓滙率風險，利息都係1.5厘至0.5厘。現在嘅情況十分凶險，就如跟職業司機比賽，見到尾燈當你贏，又如跟業餘拳手比賽，站喺擂台至結束當你贏。跟到彎、涯到尾，就算贏，千奇唔好搏就得！

（今日賺少了，我都習以為常，投資三更貧五更富，半年冇收入都係咁，唔好覺得大驚少怪。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。