大不列顛買二手車，找原廠買更佳

 在大不列顛買二手車，一係去大型展銷場，一係Auto trader等網上銷售網頁，當然還可以找原廠買二手車，質素更高，更有保障。

好像上次介紹「肚郁他」八年細車，Auto Trader賣4999鎊，如果原廠賣，看看要幾錢？

原廠要6189鎊，貴成千鎊，值不值得？

車行及私人放車，都會隱藏舊患，漁村地方細，很容易上架找人check清楚，去到大不列顛，人生路不熟，英文都未講得順，何況汽車零件專有名稱，更是一知半解，架車開得順已算偷笑，佢即使坦白講某些隱疾，你都唔識聽，再者，大不列顛犯罪率比漁村高，人心險惡，防不勝防！中伏率極高。

有甚麼人最清楚架車？一定不會是車主或車行，一定係原廠，佢地有晒架車所有資料及數據，維修一定用原廠零件，100%冇問題才交俾你，最少一年保養，一年Roadside Assistance，爆呔或死火，一定有人幫你，三日Drive home insurance等等，讓你一攞車就揸得，慢慢找保險。

去大不列顛，已經很多野煩，如果多一千幾百鎊令你免麻煩，專心找屋、專心為兒女找學校，一落地就將車送到你住的地方，不是更好。