IB投資系列：爆倉

 星期五股巿大跌，資產價格下格，因早前買下大額期權，星期五我唔等到期嘅期權，已即時買定下星期期權，加上十張長期核電期權及年尾到期晶片期權，終於收到IB警告…

當總資產與保証金距離太接近，少於10%緩衝，就有爆倉風險，倘若情況再嚴峻一點，不能滿足最低保証金要求，劵商就會變賣你嘅資產，你係完全無仇報，因為這是遊戲規矩，孖展戶口就是這樣，你情我願。

這件事已解決，因為上一批星期五嘅期權一到期，星期六便回復安全狀態，不過這件事令我反醒幾件事：

第一、孖展不能用得太盡，否則便冇彎轉嘅餘地。

第二、一些資產流動性不足，例如債劵、ETF過了交易時段，係無法買賣，唔似流通量高嘅股票，有盤前、盤後、隔夜，24小時可交易，有事要勤王救駕都幫到手。

第三、孖展額度跟投資有密切關係，賺錢三法：息差、價差、槓桿，缺一不可，如果買了樓，賺錢能力不止減半，租金回報只有幾個%，對於投資人而言，租樓係著數，因為多了錢去投資，一定賺多過租金這個數，只不過買樓提供穩定性，又鎖定校區，對於家人嘅安全感而言，也是重要，要攞個平衡點，對於我而言，我係遊俠，買架旅行車瞓住先係可以，去運動場沖涼，但做人唔可以咁玩嘅！

期權當然要繼續賣…

賣出10張期權，有call看漲、有put看跌，收1565尾元期權金，約12207講元。都係嗰句，做人唔好咁盡，要留有餘地，始終都喺刀口上搵食，凡事小心為上。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。