移英日記（369）賺錢有罪

 移英要面對最難嘅問題莫過於稅務，交稅分分鐘令你傾家蕩產，好像炒股賺了10萬鎊，HMRC界定你係investor要交2.4萬鎊，界定你係trader要交約3萬鎊，連同預繳稅，要準備4.8萬至6萬鎊。

賺10萬鎊（100多萬講元）唔代表可以攞到一半至六成去交稅，以我嘅情況，要用三千多個trade去賺，不住買賣嘅結果，係攞唔出咁多現金，交唔起稅也要局住賤賣資產。

既然最後冇錢交稅也要賤賣資產，倒不如在財政年度前賤賣資產，反正嗰啲發瘟收息股票都唔會升番，倒不如借勢沽晒，製造蝕錢，減少賺錢，減少交稅。

我知道製造蝕錢，減少交稅係反智，但在高稅環境，唔可以唔敢做，20%、40%、45%係咁加，倘若去杜拜，零稅，使鬼咁煩，可以盡量賺錢，俾個仔讀國際學校，仲平過英國添！（英國學費要加20%VAT) 賺錢要投鼠忌器，真無聊！

上次走晒新加坡啲貨，蝕幾皮，今鋪走晒英國餘貨，再蝕六皮，最終目標蝕夠六十萬講元，賺少啲，交少啲稅。

應對英國稅務策略：

第一、蝕錢嘅股票，早點平倉便算。

第二、將資金買樓，減少租金支出。

第三、提早分家，將IB嘅錢一半分給「歪芺」，用盡各自免稅額。

第四、繼續每年2萬鎊注入ISA免稅戶口，考慮9千鎊入小兒嘅兒童ISA，如果佢敗家、做衰野，一個仙都不留。

第五、取得入藉後，半年旅居別處，避免成為稅務公民。（這點有困難，因兒子年幾尚少。）

一諗稅務問題就煩，睇吓韓劇冇咁嬲…

（奧運怎樣風光背後兄弟之家嘅慘劇，韓國信仰巔峰背後性侵嘅悲劇，好多野都係表面風光，背後爛到透。）

（葉萱受了許多苦，希望方力申好好待她。如果佢有乜嘢行差踏錯，我一定唱衰佢！大家係詠春同門都冇情講。）