愛丁堡詠春：虎父無犬子？

 咪玩喇！請看例子…

佢哋嘅父親，就算唔踢波、唔睇波，一定人人都識，至少聽過佢哋嘅名字，但係佢哋嘅兒子，如果成就顯著，按理大家認識他們。

大家都知有啲野唔係血源可以傳到，真正可以傳承詠春，只有詠春四大天王：「標指王」梁相、「尋橋王」駱耀、「念頭王」徐尚田、「講手王」黃淳樑，其他嗰啲都係嘥氣㗎啦！當然四大天王嘅徒弟，好多都係發瘟詠春、仆街詠春，把口好叻，吹到好勁，但實際佢自己都做唔到，紙上談兵，大家心照不宣。

四大天王嘅詠春拳有冇問題？有冇改善嘅地方？我作為後輩，好冇禮貌咁講：絕對有，但我也要清楚表達，以今日我們對拳術嘅理解去批評前人係唔公平，正如如果我們有時光機，返回古代，跟師祖五枚師太、嚴詠春，較量初代詠春拳，一定覺得十分幼嫩，師祖跟我們黐手全部敗陣。

我唯一要批評，你如果靠教拳搵食，唔可以太離譜，戲都要做足嘅！教純黐手，唔係用來打，純健身，也不算呃人，然而，姿勢都要做足，對不對？慳皮到戲都費事做，反正啲人全部「超低B」、「超痙攣」、「超無腦」都會俾錢照學，怎麼還要做戲呢？

我用一個比喻去講，如果啲人做生意唔老實，我哋都可告佢，唱衰佢，但今日條橋已經穿咗，仲有人要保佢，為嘅就是賺取剩餘價值及利潤，當邊際利潤去到零嘅時候，這種行為才會停止，因為今日資訊幾自由也好，始終有人唔知，層壓式傳銷去到後期，人人都知盤生意係假，但仍然努力拉客，就是賺取剩餘利潤，減少損失。

當我們喺公園見到一個阿伯耍詠春拳，如果有一個年輕人向這個阿伯打劫，會否成功呢？結果會怎樣呢？如果你認為年輕人打劫唔會成功，還俾阿伯教訓，並制服交給警察…。我只能說：少年你太年輕！太天真了！「超低B」、「超痙攣」、「超無腦」嘅，請你繼續俾人呃，直到你學醒以後才告訴我答案。只不過如果你是裝睡的人，永遠都不會叫得醒。

由「瓦苦」到「焀哥」都寫了十幾年，要醒嘅已經醒了，唔醒嘅就繼續裝睡，反正在我眼中，你們不是教頭，是演員。