IB投資系列：月滿則虧，水滿則溢

 今時今日炒股你永遠都估唔到佢點樣運作，以前讀經濟學，股票跟債劵互相對沖，股升債跌，股跌債升，但現在已經經歷股債齊跌嘅現象，今日又有新景象：風險資產與避險資齊升，你永遠估佢唔到，點玩呀？

尾股升、黃金又升，咁即係點呀？賭場上大細都買晒，真係好亂喎！要知道炒嘅人有兩班人，黃金係各國央行買入，因尾債危機，各國央行減持，自然要買黃金。尾股上升是AI公司互相吹捧，散戶入巿增持嘅結果。當然超級老千「褲爸爸」勁吹捧虛幣、黃金、白銀，也有人爭持，也有風險資產及避險資產混雜，造成今日嘅亂局。

正所謂：「月滿則虧、水滿則溢」，你明我意思㗎啦！得些好意須回手！

廢話少講，繼續執錢，賣了九張期權，796尾元，即6208講元，保守了，如果上星期五賣七日期權，錢會多啲，星期一才賣，變了四日期權，變數日子少了，風險少了，星期六日，大粒佬講幾句話，成個巿都可以震晒。日子短啲，較易拿捏，但收嘅期權金也較少。

（當一條橋玩完，價值便會歸零。人係會醒覺，唔會永遠受騙，有真肉唔食，走去食化學植物肉，係咪低能㗎！）

（虛幣條橋幾時玩完？真係冇人知，一日未玩完，一定吹到天咁大。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。