走佬要清稅，否則罰一皮

 無論你用不用交稅，只要你走佬，走佬一個月前就要去清稅，否則罰款一皮。不必預約，在辦公時間去灣仔稅務大樓一樓，按鍵排隊去櫃位詢問。

之後會因應你的類別安排到不同層數，再排各櫃位，跟住要填寫報稅表。

本來想著，一人賺錢三人食飯，根本不用交稅，稅局多年也費事寄報稅表，誰知要一次要填四個年度報稅表，立刻致電「歪芺」求救，影相cap圖send俾我，我盡快抄，或可收工前完成（因上午要接送兒子返學、放學，下午才去稅局），但多年以來，都是網上填，沒有hard copy ，最近更窮到唔洗交稅，最終都要班師回朝，明日再戰。

翌日，帶齊四張填好的報稅表、公司IR56G表格（離職前要告知公司，會hold住你份尾糧）、離職証明、捐款免稅証明等，讓櫃台職員檢查清楚，便要等評稅主任會談，主要都係check清楚文件，有冇修改，詢問幾時離港等問題。跟住等佢出信。

如果要交稅，咁就麻煩一點，要等稅務主任出一份「繳稅通知書」，然後去一樓郵局或ATM交稅，才可以攞「同意釋款書」及副本（自己保存），這個釋款書，稅務局已印埋你公司的地址及放在政府信封，不必貼郵票便可放入郵政局，寄至公司，公司收到信，也會將尾糧發還給你。