大不列顛駕車，甚麼是真正保護到你？

 大不列顛駕車發生了意外，真正保護到你是甚麼？是汽車保險？是歐盟5星防撞？三吋不爛之舌（流利英語版）？

最重要當然是好的車cam。

事實勝於雄辯，與其聽人意見或有限經驗，倒不如睇測試。

消委會已於早年「漁村」及「邪惡」大不列顛，購買了十二款車Cam，並進行測試，係神係鬼？係好係壞？已清楚顯示。雖然未係最update，但也有參考價值。

頭五款取得四星，只要購買這五款，或同牌子更高階型號，中伏機會應不會太大，遇到交通意外，尤其言語不通，即使「漁村人」都識簡單英語，但要分清權責，或要人賠錢，有圖有片，永遠係最佳保障。

不過要留意要買前後Cam，因意外有時會從後面而來，在大不列顛，老人家往往駕靚車，馬力強勁，但往往缺乏駕馭的能力，卻以駕駛經驗豐富自居，這類車往往是流動計時炸彈，因為大不列顛遺產稅高，與其益政府又留唔到幾多俾子孫，倒不如自己使晒便算。這類司機，往往比年輕司機更危險。

（已故菲臘親王，97歲駕車意外，決定放棄車牌。）

另外，車Cam影唔影到野，關鍵是鏡頭及高清傳感器，好的車Cam都是用Sony高清傳感器，在反光或低光環境，攝下對方車牌或周遭場景，往往是破案的關鍵。