移英日記（卅二）依靠神冇野解決不了

 現在英國生活各事也攪得七七八八，本來應該部署買樓，不過股市跌到咁的環境，即使有好盤，也無能為力，現在可以做，係守，要守得越耐越好。

最近聽了某弟兄說英國工作，不是單為錢，也是融入英國生活文化的好方法，這個說法很觸動我心，隨著股巿唔惦，更多了誘因去重出江湖。

BNO講人要在英國工作，首要申請NI。

英國都是做最低工資9.5鎊的工作，博士生、大學生都係去工廠整餅，咁我這些文盲的草根又可做甚麼呢？一係駕車送貨(要自己出埋車、油、保險），一係做低技術勞工之類，每個月賺一萬餘港幣也是可以的。

做人係要能屈能伸，冇野話處理唔到，只要保持積極正面，好多問題都可以解決。

愛丁堡有五間華人教會，EH9、10、12都有，任均選擇，多返教會，每日讀經、祈禱，多依靠神的心，去到世界那裡都是一樣。

英國買日本車最安全？

 這個安全，不是指歐盟五星安全，而是你所駕的車，會否受賊人喜歡，成為偷竊對象。

數據就最清楚：

賊人最喜歡都是歐美車款，不竟英國處於歐洲，我不感到意外。其中，德國三大汽車：Benz、BMW、Audi全部入圍。

福特Fiesta是高銷量細車，多人買，賊人要散貨也容易，但更要留意有些品牌有兩架車入圍，Land Rover、BMW、福特。

當然報告或有盲點，多人買的車，巿面的數量多，自然被賊人偷竊的機率也按比例較大，並非保安系統有問題。而貴價車，賊人轉售賺取更多，自然也吸引賊人偷竊。

日本車太耐用，十幾萬公里仲行得走得，這些「錢七」，年期長、里數高、手數多，二手價不高，自然難吸引賊人了。

最近有賊人在愛丁堡專偷Hybrid車的Cat，首當其衝當然係豐田的Hybrid混能車，Cat全名係Catalytic converter，轉換器點解咁值錢？因為其中兩隻貴金屬：鈀、銠，銠的價值更是黃金的六倍，一些舊車轉換器的銠含量較高，比整架舊車更值錢。

有目擊人見過賊人偷車經過，好像一級方程式賽車的維修速度，十分專業、快速，比整車佬仲勁，數分鐘就拆下converter，豐田客戶都大怒，除了要俾錢維修，保險也急升，要急急加裝Cat lock，方保平安。

英國不要買柴油車

 按著我過往認知，除非你有自置地屋且安裝充電樁，否則首選柴油車，次選電油車。因為以往在漁村搭架，有時要幫手駕車，就是豐田Hiace，扭力好、省油、少維修，所謂麻煩，只不過加尿素，若尿素不足，會強制限制汽車效能，因此，我一直認為柴油車最好。

即使英國柴油價格比電油貴，但柴油效能比電油高差不多三成，油價卻沒有高三成，很明顯柴油車仍然有優勢。

直至某弟兄告之，才真相大白。始終不能用漁村的商用車去比較。

首先英國的私家車，很多都是柴油車，雖然脫歐，仍然某程度跟歐盟標準，要達至歐盟嚴格要求，絕對唔係入下尿素、冇黑煙就過關，因為他們最終極是用電車取代，故過渡期的柴油車，加裝了許多電子零件去監察，越多電子野，壞的機會也越多，維修費也昂貴。

另外，柴油車更要有DPF，碳微粒過濾器，必須高轉數去行才能燃燒去除，若在漁村，上東區走廊、西隧、西九龍快速公路，由港島去一次九龍都除晒。但我都講過愛丁堡巿區啲路，幾多麻煩野，日常使用，係無法除碳，B路都唔得，除非A路，漁村人用美帝話的Highway，高速公路，英國人稱之為Motorway，但問心，有幾可駕一轉去格拉斯哥、紐卡素？

我同大家計計條數，每升電油149.9便士，每升柴油172.9便士，貴15.3%，柴油效能多兩成幾，接近三成，油價已扣一半，每年換一次電子野，一積碳又要去Motorway飛一轉，時間、油錢都用咗，仲有甚麼著數呢？講句唔好聽，分分鐘心急除碳，俾大油唔小心超速，罰款都唔止嗰條數了。

移英日記（卅一）人生有何缺欠？

 移民要適應語言、文化等等，不過最先要涯得過冬季才講…

今早溫度係-7度。勁打詠春日字衝拳都冇用，仍然超寒。

旅遊心態：嘩！大雪，好浪漫啊！落大D！

移民心態：大鋪！大把野整，做餐死！

當水變為冰時，體積會增大9%，全屋喉管會爆裂，可以好大件事。當然這是無人住的屋才會發生，因為只要有人住，室溫也不會零度，不必過份擔心，只是室溫未跌至零度，也要開暖氣保暖，有些錢冇得慳。

香港的物資已送到，起初預算要三個月，最後兩個月鬆少少已收到。英國並非不毛之地，許多物資都可買到，甚至節省千里迢迢運費，全部買新也可以，提醒移英人士，只運有記念價值的東西，我的詠春八斬刀，即使明知英國冇，但武器不能運，割愛送了別人便算。

天氣好，有陽光，也會帶個仔去公園玩，生活總算過得去。

去了Tesco買了19鎊電飯煲，晚晚有飯食，跟漁村Hong Kong沒有分別，人生有甚麼缺欠呢？

移英日記（三十）要接受好，也接受壞

 我不會對英國只讚不彈，只憑主觀經驗，將實況展現出來。今早落雪，終於有個白色聖誕。

跟著的功夫就多了…

跟著至少清理至這水平，才可合法駕駛。

各行各業罷工，更帶來種種不便。

英國有許多衰野，但優點也很明顯。

最近NHS派了一個護士家訪，主因是有五歲以下兒童，教導我們各種知識及處理。

佢話最緊要服用維他D補充，因英國冬季日照太短。另外，更提醒我們日常生活一定要用漁村話Cantonese，因為母語基礎越好，兒童學習外語會越來越好，這是許多研究的結果，至於兒童的英語，只要返學跟朋友玩，一定會好。

我完全估不到，去到異地，人地叫我們堅持用母語，反觀在天朝，漁村話Cantonese受壓制，學校一定要用天朝話Mandarin教中文，完全兩回事。

至於醫療，小病一定要自己攪掂，大病才會理你，醫生不會咁容易見到，但社區藥房的藥劑師會給予意見及建議用藥。但只要你睇到醫生，一定醫到底，好像我有病，食了藥好了，NHS約了我再見醫生再睇我，睇清楚我有冇好番，跟住又寫紙要預約抽血，再檢清楚。雖然係好煩，檢血又要預約，不會即刻做，只要有醫生藥紙，去社區藥房，蘇格蘭免費攞藥，如此服務，漁村未聞之。

這個世界不會完全，你愛一個人，除了欣賞佢的優點，也要同時接受佢的缺點，移民也是一樣。

（某地方有一對情侶逃跑，被判暴動罪四年半，正所謂「促賊拿贓，促姦在床」，疑點利益歸於被告，怎可能成立呢？如果佢身上有氣油彈或利器，你判幾多都算，單單逃跑或有生理鹽水判罪，全世界未聞之！）

移英日記（廿九）英國駕車唔好玩

 英國汽車雖然跟漁村一樣都是右軚，道路標誌大致相同，但駕駛也不容易。

先是重新適應棍波，自動波太少，二手又貴又殘，電車一定係自動波，但若非住宅有充電樁，仍未可以擁有，免費充電都是慢充，長期有人用緊，想也不要想！

英國道路狹窄，跟漁村有得揮，進入住宅村落，地又爛，長期是單程路，因為一邊泊滿車，有的梅花間竹，又左又右，去到小兒的學校，更是左右開弓，兩邊都有車停泊，只有中間狹窄通道，大車一定無法通過，故此英國一定要買細車，七人車極少，家庭成員多，一定買多架，另外大部分都是掀背車（hatchback) ，一則車長較短，二則方便購物。

有些道路，明明是來回一條正常路，會因為種種原因，如太貼近屋的門口，會修窄成單程路，車的流量自然受影響，所以繁忙時間，唔塞車就奇，有的又加單車徑，又加巴士站，這都是人性化工程，不過要幫人要捐錢，都要考慮自身有冇能力，路又窄，又咁多古靈精怪野，車速自然不能太快，只有20英里，但目測都有漁村50公里，我駕廿幾英里，已經有人吊車尾，你想我點呢？

一條路，又修窄變單程，medical centre又有行人安全島，school又有交通燈，由於行人有道路優先權、次則單車，故駕車一定要讓，衰咗一定係駕車的責任。去到英國，唔好以為行人亂過路，司機都禮讓，表現很有耐性，只不過法律的偏袒。英國駕車唔順唔好玩，純粹實際需要。

英國法例不許駕車進入巴士站或巴士專線、單車徑，但有的道路，劃了巴士站的位後，根本只有半邊車路，一半車身一定進入。另外，有的車路變闊成為幾線路線，但奇怪中間劃成單車徑，車輛要左轉一定進入單車徑才能進入左轉線路，這些路線自己「執生」，望左鏡、盲區，肯定冇單車才左轉。

漁村任何時間駕電單車都要開著大燈，英國駕車任何時候都要開著大燈，可保平安，並非法例要求，只是英國經常天陰陰，加上一條路幾樣古靈精怪，入村路，全單程，不是梅花間竹路，就是左右開弓路，要讓遠方的車輛及行人知道自己即將駛入，十分重要。

移英日記（廿八）英國開支大公開

 英國通脹嚴重，物價上漲，生活成本急升，但究竟怎樣？我用自身經歷，說明英國一個月使費。

屋租1350鎊

巿政稅包埋水費、排污1650.84/12 即137.57鎊

電煤費138鎊

超巿費，每日約15鎊，每月約450鎊

一家三口基本每月開支2075.57鎊，即19302.8港元

屋租及巿政稅固定，屋價屋租越貴、巿政稅也越貴。電煤及超巿費是浮動，可以省，全在乎你怎生活，TV拉臣，如果你謝絕英國文化，發誓唔睇唔聽BBC，佢都迫唔到你俾錢。

有小朋友，有的錢冇得慳，以前漁村，著別人的衣物已足夠，買得很少，現在全部都新買，去慈善機構買二手衫，但難買到合適。

另外，車也是必須品，雖然此刻，步行可以去超巿及送返學，但長遠也是需要，最簡單去買包米及雜貨，揸車買，free好多。我個人認為步行是有益，也環保，但天氣再凍就唔係咁講。

（唔好以為整好個車窗就走得，車頂的結冰都要處理，因為冰雪影響到途人及車輛，係犯法的。）

（買基本藥物，只要去平價商店買，平到你唔信，傷風熱飲1.5鎊（13.95港幣）A-Z綜合維他命30粒1鎊（9.3港幣）酒精磋手液兩支0.5鎊（4.65港幣）古惑野14個1鎊（9.3港幣））

（有圖有真相，自行判斷。）

（能源費有政府資助才減了66鎊，日後費用或會增加，要節約能源，方為正路。）