IB投資系列：棄車保帥

 正所謂：「貧賤夫妻百事哀」，蝕錢嘅感覺真係好似罪人一樣，比起淫媒愛撥斯坦更有罪，要落十八層地獄。彷彿要買重人壽保險，然後跳樓，抵番條數才能贖罪，陰公！

股票梗係有上有落，何況在大不列顛，冇錢賺當你大賺，只怪自己輕看制度，沒有約束自己頻繁炒股，最終引火自焚。佢話你大賺13萬鎊係走不了，扣除上年蝕錢數5萬鎊，但再加每星期嘅期權金，10萬鎊走不了，計資本增值24%，約2.4萬鎊稅，計個人入息要3萬鎊，計埋預繳要6萬鎊，約60多萬講元，跳樓都唔掂，到時都係焗住要壯士斷臂，現在斷臂，唔使交稅，可以保命，到要交稅，局住斷臂，再放埋血，命不久已！

現時我唔會死，每月三個星期嘅期權作生活費，一個星期嘅期權作交稅，24%即約四分之一，這是走不了，假設每星期嘅期權賺一萬講元，一年約交12萬講元稅金。孔子曰：「苛政猛於虎也！」

我唔係介意交稅，但必須係賺到錢才交稅，明明冇錢賺，卻誇大賺13萬鎊，最終要蝕到入肉才能自救，現在買樓能力都失去，被「歪芺」埋怨，真是難受！

（這個世界有公義麼？做假嘅人冇事，踢爆嘅人，反而惹禍！究竟大不列顛嘅惡政勁？還是「漁村」嘅勁？）

（「泥志鷹」有幾大罪？佢嘅罪都係法例未生效前所作的，要一個老人家坐二十年，等於終身監禁，要死在監獄。有的人在「寶島」殺了人，仲可以住安全屋，包食、包住、包打機，咁仲有天理麼！）

（放寬BNO申請就係反制？咪玩喇！你唔提高英語水平至B2及收入要求，已是最大支持。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。