移英日記（352）駕車要小心！

 大不列顛係賊國，政府透過加稅搶錢，又話考呢樣考嗰樣，考life in the UK要50鎊，考B1又150鎊，我哋又俾多30鎊保險可考第二次。低下階層生活困難，自然要去偷去搶，「嬰格難」偷車情況極之嚴重，「鬚格難」仍算ok，但也不得不防！

YouTuber Moon媽都俾人偷車，又係「風填」Yaris，舊款都有人偷，何況我嗰部係新款，RFID Signal Blocking Key Protector及AirTag，因賊人在附近攞了信號，在你去超巿嘅時候就可駕走，拆零件變賣。

賊人搶錢，因為冇錢，政府冇錢，唯有一樣搶錢，「漁村」都勁抄牌，大家都明㗎啦！「嬰國」也不會例外。

我都有法寶對付，測速儀器都要發出訊號，只要Detector知道訊號，立刻收油，可以減少罰單，但警方用Laser雷射測速，照到就中，收油都冇用。BNO移民唔好犯險，個底唔乾淨可能影響永居及入藉，敬希留意！

「愛叮保」係福地，整個冬天只有一日薄雪，雪人都整唔到，只有嗰日係跣啲，其他情況都係正常，上年換了四條「喬碩」新車胎，好穩陣，一月年驗冇野整，只係補補油，剎車皮都唔使換，車嘅狀態好，就收窄到只有人為因素，駕車小心，自然出入平安！

「嬰國」移民政策變遷，有「嬰格蘭」講人考慮北上「鬚格蘭」定居，因為他們嘅子女讀大學有機會要俾國際學生學費，「鬚格蘭」係福地，除了地廣人稀，有牛羊、北海石油、威士忌、風力發電等，更重要是未取得永居及入藉，只要居住三年，就可免費讀大學，收一萬幾千講紙手續費之類，係巿政稅包埋水費及排污貴，比「嬰格蘭」貴少少，稅貴少少，但睇醫生，藥費都免，我個仔初小，午餐費都免費，係收了少少牛奶錢，大個要帶飯或俾錢繼續午餐。

「慢切屍突」、「八名汗」、「裂屍」、「脷勿蒲」等城嘅樓價比「愛叮保」平，「愛叮保」樓價只次於首都「淪噸」，治安一定比上述城巿好，居住成本也要考慮承擔能力，這裡旅遊業為主，工廠不多，送外賣、速遞，印巴人做晒，我以前都係酒店執房炸！