IB投資系列：壯士斷臂！

 我俾大不列顛嘅HMRC迫到走投無路，蝕大錢都仍然計我賺13萬鎊，差不多球半，扣扣埋埋，粗略估計，要交30萬講元稅金，如果當個人入息計算，要找預繳，即60萬，蝕大錢怎可能再俾高額稅金呢？

以前我好天真咁頻密炒股，一年幾千個trade，只要賺到錢，理得我用甚麼方法，先沽後揸、先揸後沽、又揸又沽，現在醒覺了，攪咁多只會玩死自己，引火自焚。

我走投無路，唯有沽盡收息股、債券，都填唔到條數，仲話你賺12萬鎊，局住低位130元再沽空虛幣股1000股，蝕到入肉，終於解決了資本增值稅。但利息稅是計個人入息，也避不了，但相對而言，也很少意思了！

（派定心丸都冇用，局住一半沽空保命。）

大不列顛唔好望發達，我實測係無可能，唔識玩佢嘅稅務，明明蝕大錢，也話你賺大錢，真係可以迫你走上絕路。

未來嘅玩法，避免頻繁交易，投資唔派息累積型指數基金，只買入不賣出，避免交稅。每年過錢去ISA免稅戶口，只係單單靠賣期權賺錢維持生活便算，一個月四星期，三個星期嘅期權金來生活，一個星期嘅期權金用來交稅。

好多政府嘅治民之法都係窮民之法，冇錢嘅人就最容易控制，也不容易話走就走。

（木頭姐嘅話，唔知真假，總言之攪唔掂稅務，俾你賺錢不過是咒詛。）

（「馬屍黑」係奇才，但佢以前嗰間PayPal就唔好掂了，你明我嘅意思啦！）

（正所謂「一鳥在手，勝過兩鳥在林」，現在壯士斷臂，雖然痛苦，但唔使俾IB追保証金，唔使俾HMRC追稅，財散人安落。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。