2025年5月17日 星期六

移英日記(326)珍惜這裡是吾家

 星期六出去飲茶…



這裡枱數比「貓仔記」多一點,都係十張枱左右,位於愛丁堡巿中心,我都係撘巴士,免得冇位泊車或收費太貴也不值得。


味道比「帝豪」還好,可以再嚟!

在外國嘅生活,有人話悶,有人話冇啖好食,其實真係睇你點,這裡所謂嘅冰鮮仲好過「鄉講」所謂嘅新鮮,食材好、廚房大,你識煮野食,又或者娶到個有「涼紙零」廚技嘅老婆,這裡根本係天堂,當然識煮餸就未必識計數,我一年過千個trade點報稅呢?至於外出食飯,「淪噸」、「慢切屍突」、「八明汗」一定比「愛叮寶」多野食,但要食嘅野,唔會食唔到,只要你肯俾錢。貴就食少啲,去下公園,去下郊野公園,去下國家公園,去下圖書館、去下博物館,完全免費。

至於言論自由,有些地方唔俾講政治,有些地方唔俾批評古靈精怪野,話你歧視⋯⋯如果你忍唔住要講政治,可以嚟「嬰、尾」,如果你忍唔住要駡古靈精怪,可以嚟「鄉講」,這個世界沒有地方有絕對嘅自由,只不過某些地方轉變太快,許多人也適應不了!

有些人將抗爭文化、反對文化帶到嚟呢度,帶到嚟教會,公開駡牧師及領導團隊「圍、威、喂」(黑箱作業),又質疑教會點用錢,人哋人工都冇收,只不過堂會、宗派做事方式不同,攪到變成紛爭,咁樣爭拗,就對教會好麼?神真係得到榮耀麼?我知道「老田」不是最好,唔夠細心,未能處理好分歧,但肯定盡心盡力為教會,我也加大了奉獻,對於不實嘅話,也以聖經一一駁斥,「歪芺」也勤力點返教會,以作支持。

沒有留言:

張貼留言

愛丁堡詠春:基因決定力量

 以小勝大,以弱勝強,係十分美妙嘅事,不過我講出一個事實,基因已經決定一切。 最頂級藍球明星,係甚麼人種?絕大部分係黑人,其次係白人,黃種人幾乎沒有,「搖明」、「腍輸毫」等雖然打得不錯,也不過極少數,也並非最頂級。 基因是決定骨質密度、肌肉大細、力量、體能,黃種人係全部輸晒,仲有...