有人發現某電車嘅自動駕駛軟件更新速度減慢，可能該公司將大部分算力用在尾國某城巿之上，因該城巿將推出機械人的士，是該公司首個商業營運，不容有失，唯有犧牲一下其他用家…
要知道這領域仍有競爭，包括「焀哥」嘅「威毛」，「疼用汽車」嘅Cruise，天朝「八道」嘅「阿浦路」，由於某電車只用鏡頭及軟件，就好似人單單用雙眼及頭腦就可控制架車，成本優勢無人可比，可賺取驚人嘅收入。
然而在「鄉講」駕駛都知，道路最怕「的士佬」，因佢哋要交車租、油錢，每一更都要搏盡賺錢，駕駛永遠遊走於灰色地帶，普通人嘅駕駛技術，不代表可以做的士佬，因此的士技術要求更高，某電車每開發一個城巿就要將全球AI算力擺上，固然令軟件更新速度減慢，擴張速度也並非想像咁快。
因此股價波動就肯定，如果事情順利便升，技術或法規有阻礙就跌，不過咁，股價唔郁又點會有錢賺呢？
某水果手機因關稅問題，成本急增，即使將輸「尾國」手機全由「胤度」供應，亦是相當困難。自教主「橋佈屍」離世，產品毫無創意，水果AI更是垃圾，叫做人有我有，股神真係醒，高位沽售，蟹民就受苦了！
我部「埃瘋」11，許多人叫我買新機，然而「添確」倘若繼續唔創新、食老本，都好難從我身上賺到錢，俾幾千蚊買部新機完全冇快感，做人會唔會咁笨呀？我換個MagSafe機殼、Mon貼，已經新嘅一樣，加個雞廠磁吸外置電，續航問題已經解決，省番一筆錢。
呢啲公司投唔投資？就你自己決定啦！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言