斷食的威力

 以下是真實記錄：

由5月25日158鎊至6月15日152.5鎊，我跟華哥（任達華）都差不多咁fit了，佢68公斤（149.6鎊），我好快追上。

（想做型男？定肥仔？全由你自己決定。）

只要不吃一餐，在限制每日8小時任食，16小時禁食，可飲水，加上要返工，有勞動，但另一方面放假去飲茶、食自助餐，只要在限定8小時進食，就無問題，如果想快有果效，全戒零食、雪糕、啤酒，放假唔去飲茶、自助餐，更快達標。

我早餐禁食，空肚返工，至中午十二時才吃午餐，通常是一個面包加一至兩條蕉，係咁多，因休息時間少，太飽頂住個胃，影響工作。

方法最緊要容易、簡單，生酮飲食係好，但大不列顛飲食已沒有人生樂趣，係好依靠家中「歪芺」煮食技能，如果加埋生酮條件，係冇得玩的！即使今日知道動物脂肪是有益，工業化學生產植物油有害，原本用於機械潤滑，但價錢便宜，被商家佬睇中，將機械潤滑劑俾人食用，導致炎症及心臟血管問題。作為精明消費者，一定食butter(牛油），佢絕Margarine（人造植物牛油），食真肉，也不食植物肉，商家佬要發財，影響研究，先有對自己有利結論才搜集資料研究，就好像天朝處理歷史，先定義是帝國主義侵略，再找史枓，怎會中肯？

閱讀聖經我們知道，人類最初是食植物的，因為伊甸園物產豐富，可供應人所需一切營養，洪水以後，挪亞開始，神已允許人食肉。狩獵的人，肯定是肉食為主，野果次之，漢朝記錄，遊牧民族人口不過是整個國家一個縣的人口，但農民組成的軍隊輸多贏少，能夠贏都是靠出色將領，因為食肉的人，蛋白質豐富，肌肉發達，身體質素較佳，體能優越，騎兵更是無敵，長城就是阻止騎兵入侵。

斷食+生酮+運動，係減肥不二法門，斷食及生酮係主胆必備，任擇其一，或兩者同步，運動係輔助，只佔兩成效果，但有助肌肉結實，線條更好。