移英日記（90）執房工作苦與樂

 去到大不列顛，許多人都放棄高薪厚職，做基層低下工作，最近聯絡番多年同學，原來去了倫敦，以前佢做IC點人執屎，現在自己要執屎，做照顧老人工作，13鎊一小時，以前幾皮一個月，現在得皮零，但對漁村冇留戀，因為這地方變得很陌生。

我以前做地盤，最高四皮幾，小則三皮，當然亦會整個月冇工開，後來做公司工，穩定有福利，也有兩皮幾，現在做執房Houskeeper，得皮幾，薪金得一半，12鎊一小時，一星期返五日，朝九晚三，多野做五點幾才走，少野做兩點收工，工時不算多，但卻很趕，委派工作都有完成時間，雖則都不可能達標，但也不能太離譜。

工作細則如下：

（這是愛丁堡某酒店的房間，並非本人工作酒店，免得影響自己工作。）

現時英國最低工資10.48鎊，假設每日做8小時，每月返22日，稅前工資1844.48鎊，但我平均只有千三至千六鎊左右，一則會預先扣稅，二則工時冇咁多，始終旅遊業有淡旺，一人工作不可能養起頭家，我住的租金已1100鎊，Council tax平均每月二百幾鎊，仲有電、煤、上網、電話、巴士月票，一個月基本開支要2000鎊多，即使唔食，都唔夠俾，這裡不像漁村可請菲傭，夫婦可同時工作，如果仔女太細，一家人只有一個勞動力，攪唔掂的，我仲有架二手錢七，牌費、燕梳、油錢，有時出街食，買外賣，有時去飲茶、食自助餐，沒有被動收入或儲蓄，死硬！

執房工作雖然辛苦，但也有意外收穫：

有的客人俾貼士都有10鎊，當然不是經常有。

有時客人留下食物，也節省不少。這是某一日的收穫，但不是日日有的。

以前我會將所得貼士，捐俾乞丐或教會，現在要交俾「歪芺」，以幫補家計，始終通脹嚴重。

貼士都是「晨沙」為主，價值不高，但我也借此認識大不列顛貨幣，現時1英鎊約兌9.8港幣，1鎊當10元，50便士當5元，20便士當2元，10便士當1元，5便士當5毫，2便士當2毫，1便士當1毫。硬幣跟漁村差不多，只是單位要重新學過。

總的來說，基層工作都是俾最低工資或高少少，如果俾得12鎊，一定有伏，D人做唔長，人手不足。例如人事問題、物資不足、管理混亂等等。我做了三個多月，已轉了三個阿頭，每次新官上任，又要下馬威，又想做到成績，又點又點，有的追工時，要quickly，有的要quarity，漂白水都聞到昏，只做門面功夫，不做結構性處理，問題不會改善，只會攪到D細，攪完大龍鳳，轉頭踢炮唔撈。所以我建議移英港人，10.48鎊至11鎊算正常，不要貪心了。