富人思維（一）

 許多教會，以為只要架構改變，人數便可增長，其實最重要是價值觀的轉變，才會真正有效。許多練詠春的人，以為只要套路、黐手就代表好打，一樣咁天真、無知。

許多有錢佬，會買一部很專業的相機，但其實他不懂攝影，即使懂，水準也不足買咁貴的相機，單單為了炫富麼？道理係邊度呢？

窮人用時間換錢，富人用錢換時間。

一部最貴最專業的相機，即使你技術上用不著，你較auto模式，所攝影出的相片，也相當於十年功力，如果要用十年時間磨練，才可影出這級數相片，現在用錢，就可以買十年，何樂而不為？

好像我的詠春之路，由睇書、VHS錄影帶，其實當時已可打出全套小念頭，如果單純外表的動作，要學埋尋橋、標指，都絕對可以，至於黐手，網聚都有得黐。但最終也要去武館的。

至於學做生意、投資，你自己都可無師自通，跌跌碰碰，最終都可學懂，但人生有幾多個十年，我做生意衰了，加上日本經濟爆破，已經一無所有，能夠東山再起，已經是多年以後的事，如果再衰，肯定冇得翻身，如果當年有高人指點有多好呢？

富人是沒有義務教你的，即使你想跟羅拔圖清崎學野，唔好話去美國上堂，最基本都要買本「富爸爸窮爸爸」或其他著作，對不對？師傅唔會所有好，佢得唔代表識教人，把口得又不代表真係有料，為了行更快的路，你預咗要白交學費的可能。

以前小學老師都有教：「一串光陰一串金，串金難買串光陰。」道理好顯淺，但真係識運用，卻是極少人。

為什麼要學做富人？因為他們都係最識運用資源的人，資源是有限的，時間是有限的，任何人都沒有條件浪費，我以前都有義務幫教會油漆、整光管、換火牛，買料的錢都冇claim俾我，我也沒有追，也沒有必要追，為耶穌做的事係唔需要計較，我點解有這個底氣？人家找我搭架都要千幾元一工，因為當你懂運用資源，你就能隨心所欲做正確的事。

漁村家庭都會盡量運用生產力，父母都去工作，請菲傭去照顧子女，用時間去換錢。我和「歪芺」一齊送小兒返學，共同照顧，用錢去換時間。菲傭教跟父母教有甚麼分別？十幾年後就見到。

究竟錢重要？還是時間重要？你必先有富人思維，最後才會成為富人，或者用另一個角度去看，懂得去運用神的資源，才能成為神忠心的僕人或管家。

（有些人表面富貴，實質貧窮，正所謂：「好仔不問爺田地」，而且你越炫富，越代表上一代貪污嚴重，有甚麼值得炫耀呢？）

（你看看真正富人，衣著老土到爆，灰灰黑黑（已故教主喬布斯都係咁），佢駕的車，我地都買得起的本田汽車，學下野吧！）

（股神巴菲特都係食麥當勞，而且一星期三次，你以為你係邊個？日日要食好野。）

（文章只屬個人分享，沒有任何投資建議。）