本來股巿企穩，但「孿柱局」包痿耳放鷹，股巿立刻下跌失陷，面對巿況波動不定，以往所謂穩賺組合，透過息差，袋袋平安的日子已逝，即使股票維持派息，包痿耳咁玩一玩，也面臨「賺息蝕價」的困境。
不穩定的巿場，就有不穩定的賺錢方法，商人永遠都會見風使利，邊度賺錢就去邊度，天朝、漁村樓死晒，咁咪去炒大不列顛樓，亦因此多了漁村人呃漁村人的情況，他們專呃不熟悉大不列顛的人買「高水樓」，入了高水樓的人，倘若大巿繼續上升，或會平水或賺少少錢，但只要巿況調整，最先蝕錢就是這些人。
要行走江湖，都要先練好武功，要投資大不列顛樓，先磨好自己把刀，睇書、上堂、上網均可，在大不列顛，大把書教人炒樓，你肯俾錢，大把人教你炒樓，更地道、更真實、更易明白、更易實踐。如果甚麼都唔學，又唔肯俾錢去學，就妄想投資過百萬就可輕易賺錢，咁未免太不切實際。
樓是一球一球計（100萬HKD=1球），中一次伏，可以永不超生。美股都可以話容易一點，一股一股計，中了多次伏都仲未死得，做生意預咗有賺有蝕，只要賺多過蝕就可以，你問某飲食集團某老闆，點解做得咁差都唔執粒？有的良心企業反而倒閉？有多間鋪、有多個品牌、不同地區、不同客源，用盡息差、價差、槓桿、大規模經濟的好處，要死都冇咁容易。
要控制通脹最好的方法，就是要經濟崩潰，失業率上升。（聽得明的人自然會明）這一次明顯天朝做得比美帝成功，突顯制度優越性，心恨手辣的事，有的人做得出，有的人卻做不出，就好像「不寒」，人們從來沒有吃飽過，會有甚麼經濟問題？通脹問題？人們只會問自己仍可生存嗎？
正所謂：「物先腐而後重生」，「帶桌耳」夫人點解可重拾大不列顛雄風？她將公營事業私有化，即是「country退people進」，天朝當年發達都靠這一招，當一用生意人的方式經營，一定大量裁員，當失業率上升，人們冇錢就不敢亂消費，通脹問題自然解決。
只不過要藥到病除，用甚麼藥？用幾多劑量？是很決定性，美帝投鼠忌器豈會無因，因為用藥過猛，隨時會一命嗚呼！
(文章只屬個人分享，沒有任何投資建議。）
沒有留言:
張貼留言