這些例子也聽唔少…
以前我真的以為功夫佬都有啲風骨，可惜我都睇錯，我唔介意你不同立場，如果立場只不過隨利益改變，跟紅頂白，趨炎附勢，這些人仲有甚麼值得尊重呢！只不過係垃圾。
有的功夫佬都係生意人，做生意最緊要講信用，攪唔掂應該清楚跟人交待，唔係做縮頭烏龜。
親戚都冇情講。
當然功夫佬唔係聖人，只不過係普通人，唔應該對佢哋有過高要求，有的師傅不同時期也不同，前期很好，後期很差，有的掠水，要上特別班才學到堅野，遲嚟早走，學完仲冇料到，原來要繼續科水，科夠水才有料到，有啲唔想做到太核突，就拖時間，你學得夠耐，俾夠學費，咪教你野囉！仲係陰啲陰啲咁教，講嚟講去都係個錢字。有的徒弟有資質、悟姓好，教佢多啲也合情合理，但絕多數情況都唔係咁樣發生，有的專對學歷高、懂外語者，但功夫平平，卻特別獲得照顧，因為他們對拓展海外業務有幫助，呢個世界邊有公平㗎？
當年我學標指時竟然要跟遲兩年入門嘅師弟一齊學，我知道自己衰乜嘢，「蝗系」最避忌你學過其他派系，血統唔乾淨，咪要花更多時間淨化吧！
（呢個世界公平咩？）
沒有留言:
張貼留言