移英日記（342）客死異鄉？

 移英最苦惱係稅務問題，我呢啲無業遊民係靠炒股維生，呢度稅制好繁重，對於炒股更加唔係友善，甚至唔想你發達，因為窮嘅人較易控制，他們一世都不能離開，派些福利就可得到佢哋支持及選票，但要派福利，錢從何來呢？咪要對所謂有錢人開刀。

這裡嘅人永遠唔會交足稅，尤其華人餐廳，收現金往往較平，因為沒有數碼記錄，不必交稅，除非佢係信耶穌，好似我呢啲老實人，「忠忠直直，終需乞食」。

今次我已做了蝕錢操作，蝕到攤攤腰，但用英國會計方式，仍當你賺大錢，截至現時仍說我賺13萬鎊，交稅要3萬鎊，如果連埋預繳要6萬鎊稅，咁荒謬都得嘅。如果真係賺錢都算，蝕住錢點嘔60幾萬講元呢？如果勉強套現，連同交稅，損失百萬，咁樣真係要玩完，敗走英倫了。

我曾想再走佬，但已經三年半，點解唔堅持下去？再者這財政年度已超183日，成為稅務公民，就算唔要UK資格，稅肯定走不了，除非做亡命之徒，一生一世不踏入英倫。

現時確實進退兩難，如果再賺錢，就唔止交60萬稅，可能70萬、80萬…100萬稅，賺少少要嘔凸。要蝕錢，要再蝕足130萬才唔使交稅，飽死？定餓死？走投無路，客死異鄉？

（錢可以解決嘅問題，就不是問題，許多人不知道，俾錢係最平，免費係最貴。其實這都是護照費用，只不過不同人用不同方式支付。）