IB投資系列：現在唔係晒冷時候

 讀過「天朝」歷史，做親副手都唔會有好下場，例如「無摘冬」時期，「流笑期」被批鬥而死，「霖漂」空難而死…國際關係也是一樣，二佬都係不得好死，尾帝扶植「東瀛」本來要對付「鬚攣」，但「鬚攣」瓦解後，鳥盡弓藏，「東瀛」卻成為二佬，尾大不掉，GDP直迫尾帝，尾帝自然要對付。同樣，「天朝」加入「細謬」，又成為二佬，尾大不掉，尾帝同樣唔會容忍，更會扶值「東瀛」聯手對付。

當年尾帝要打「寒戰」、「粵戰」，又要抗衡「鬚攣」供摌勢力擴張，扶植嗰個二把手，都要有番咁上下實力，然而今日是否需要咁大力度麼？實在有商榷餘地，投資只能分注少少，唔可能重錘出擊，All in晒冷，一係贏晒，一係輸晒，投資唔係咁玩㗎！

有啲人係醒嘅，在尾滙跌之前已棄尾股，注資東瀛及其他地方，就算嗰啲地方唔賺，滙兌已賺了，眼光再好一點，就不止此數，因此投資要有國際眼光，審時度勢，最戇居嗰啲係同股票講感情，要講感情，就投放在真正值得你珍惜嘅人。

股神係開始買貨，不過睇真啲現金只不過少了1%，佢繼續沽「平菓」及「尾國銀行」，不能說睇好後巿，當然好嘅公司係可以買嘅，只要唔好咁短線持有，期望好快獲利，而係長期持有，投資也未嘗不可，不過我唔係黑心，我恐怕股神都睇唔到嗰啲股票翻倍嘅時間，因為經濟週期都有好幾年時間，股神年時已高要退任，未來掌舵人嘅水準如何？或者今日嘅投資已包含他嘅意見及決策？過往點石成金嘅功力難以在上述投資見到？

本星期雖然係賺，合乎預期，但唔係想像中咁多，連埋期權金，約兩皮講紙，上星期蝕幾皮，但怎也好過冇，投資有賺有蝕，要識計數，一年埋單才知結果。

（最後警告，唔好信人，包括這裡所講一切，你都要憑智慧去判斷，八萬元信用卡簽唔到，咁即係你都係空心老倌，你千人，定人千你呢？文華東方係高奴嘅地方，並唔係呢啲低奴去，這個價錢足夠移英一家生活三個月了。）

（兩杯十年普洱要200元，頂級香檳要71800元，真係貧窮限制想像。你唔貪，你就唔會被騙。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：唔係所有AI幫到手

 當今日，我們看「不寒」人視佢哋嘅領袖「甘正因」係英雄咁低B，同樣只睇「兆士」功夫片、畜生「雜耍膿」、「冇武冠軍」嘅功夫片，以為天朝武術仍然獨步天下，一樣咁低B。睇嗰啲講股佬、講股婆，以為可掌握投資機遇，一樣咁低B。

問題出喺邊度？資訊差。

幾十年前我已用56k上網，那時我用三條電話線駁至自己宿舍間房，那時冇咁多錢買「嬰突耳」cpu，買平價AMD K62 333。幾十年後嘅今日，個個都用AI，如果你仲要問講股佬投資嘅意見，倒不如死咗去好過。

今日資訊發達，所有國術大師已經翻車了，咁都唔醒覺都冇辦法，仲以為詠春咁好打，我都冇辦法。今日AI已免費可用，雖然有限制，你開多幾個一定夠用，ChatGPT、Grok、Gemini、Meta AI等，當然AI係有限制，包括模型本身及有限嘅公開資訊等，但已經擴大我哋圈子，已經係另一個境界了，高奴嘅資訊圈係唔會俾你知道，俾你知道都可能跣你一鑊金，不過即使這樣，站在低奴最高處去看這世界，就好似聖經中嘅約瑟，做奴隸都升到管家，做監躉都升到最幫到手嘅馬仔，做法老嘅幫手都升到宰相，已經係叻到盡，位極人臣，識用AI也是一樣。

（不同AI有不同限制，打完咁多，Meta AI佢話唔識Chinese，嘥氣！有個天朝老婆，自己個AI唔識中文，有冇攪錯！「豬黑白隔」你好失敗！）

（Grok答得不錯，可能問「突屍拉」，佢熟悉啲。）

世界嘅秩序係建立喺信任上，但隨著「突郎浦」上任，各國信任瓦解，經濟嘅新自由主義結束，「天朝」蜜月期已經玩完，「東瀛」三十年後再次委以重任，對抗「天朝」，最終「天朝」衰退、「東瀛」復活。「爸飛突」已佈了局，由5%增持至9.9%。尾帝財閥「JP魔根」、「嶺行」、「乞錫」紛紛入股。

（股神在「卡膚亨事」嘅投資係錯，「怠漬殿」也太早走，錯過超越100%升幅，佢始終係人，係會錯的，敬希留意！）

（要問問自己點解做投資人？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

愛丁堡詠春：詠春是不實戰的垃圾功夫？

 詠春是南方其中一套拳法，如果話詠春唔打得，等於話錘仔唔能夠釘板一樣咁荒謬，然而今日詠春在實戰上這卻是存在很大嘅問題，十個詠春九個流，這不單詠春，國術都一致出現同樣問題。

其實如果唔係武俠小說、功夫片洗腦，正常人都唔會咁低智去覺得呢啲動作有技擊能力。當然巴西戰舞都會用舞蹈隱藏技擊，詠春也是一樣，化招式為單式動作，隱藏技擊，俾你偷學也冇用。

幾十年前，資訊科技沒有今天發達，要睇泰拳、拳擊嗰啲真功夫，甚至後來嘅終極格鬥，都係靠錄影帶來睇，而且要國際製式錄影機才能播放，終日睇埋「兆士」嗰啲呃人嘅功夫片，後來「周紋懷」找到龍哥，我哋才有機會睇到堅野，後來畜生「雜耍膿」上位，睇了幾十年假功夫，中間夾雜所謂「冇術冠軍」，耍得好睇就得，欺騙觀眾。

資訊係限制了人嘅智慧，就好像「不寒」一樣，佢哋唔係冇腦，係冇資訊。

神奇小子「槽升餘」掀起拳擊熱，係一件好事，不過「槽升餘」並不是最好打，只不過普遍人唔認識，泰拳拳手仲犀利，泰拳拳手不用肘、膝、腳，用拳擊例挑戰，「槽升餘」也不敢接戰。

詠春點解咁廢？假設搏擊要練十樣野，但你只練其中一樣，卻佔你九成以上時間，咁該武術一定廢，你叫泰拳九成時間跑步或者器械，身型及體能也是好的，但就不是練泰拳了。同樣道理，九成時間黐手、推手，橋手感應係好，但卻不能搏擊了。

IB投資系列：小心割韭菜

 減息如果真係可以無腦賺錢，我第一個去做。

如果係牛巿，升多跌少，尚且可以這樣說，而家咁嘅時勢，經濟有幾好！大家心照不宣！

美帝要續命，一個命危嘅人才需要續命，健康嘅人唔需要這樣，用假數據提升了債務上限，跟住篤爆數據做假，揭示經濟衰弱，跟住減息，減少利息開支，一切都是ICU救命嘅手段。

去過「漁村」、「天朝」你都知乜嘢環境？痕指25000點係實火？定虛火？大家心照不宣！IPO都係cap水續命。尾國經濟有幾好？插晒喉、吊鹽水續命了…

美帝各個金融財閥、基金大粒佬按兵不動，虛幣巨鯨勁沽貨，如果真的如人咁吹，虛幣20萬、50萬、100萬咁上，咁快沽貨益你哋啲窮鬼，賺夠了，都要俾人賺下，霎戇！就好像藥廠老闆自己唔打疫苗，留番多啲機會俾人，霎戇！

（賣了11張期權，收719尾元，五千多講元，策略轉趨審慎，期權金也較少。現在嘅玩法係淨收期權金夠生活就可以了，買賣賺到錢係好，咪當Bonus，不要強求，賺到錢也不過在跌巿有更大生存能力，唔係俾你風流快活！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：減息就可all in嗎？

 尾帝降息似乎塵埃落定…

不過咁，仲需要考慮很多野。尤其好多野佢都有後著，例如9/9嘅CPI數據及就業數據，一旦數字不合，隨時推翻減息決定，所以輕易All in，隨時渣都冇埋！

減息對高科技等對利息敏感行業或許有利，不過小心預計減息已反映了股價，或者真實減息不似預計，也會導致股巿下跌，唔係咁簡單。

預期尾股仍會上升，但轉催溫和，AI仍有泡沫及調整風險，需要避險及分散風險。

（本週蝕六皮，幾千期權金都幫唔到手，不過我不擔心，下星期會收復失地。）

（尾帝減息，也意味危機來到，經濟崩盤時間不遠，你睇睇巴菲特指標及P/E 10 ratio，就係股災前嘅數據，唔好留咁多貨，可保平安！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（353）採黑莓

 有啲錢，係要俾人賺嘅…

子女報興趣班，俾人教，自己就唔好出聲，游水班也好，Judo班也好，Judo攪咗成堂，先學到拉扯方法、後受身，上課氣氛亦較鬆散，玩為主，以東方武術標準而言，係有點兒戲，不過在西方社會，加上兒童班，係咁上下，最緊要佢肯玩，否則學成人班，最後叫悶，唔肯返，都冇意思。

功夫跟個仔玩下就可以，要認真學係冇可能，因為會破壞親子關係，冇意思，好像以前有個家長，唔理子女意願，總言之讀完大學你鍾意想點就點，到最後仔女真的大學畢業，但仔女卻選擇了結生命，因為佢覺得做人冇意義，當佢有自由去決擇，就是快快了結生命。

跟住下午約了友人去採黑莓，我哋叫「嗓子」嘅東西。完全免費嘅親子活動，採到嘅黑莓，在超巿都要兩鎊。要採那些又黑又大那些才甜。

營養豐富。

這個份量，超巿四鎊都未必得。

之後出街食，這間Wing Stop主打雞翼，係正宗英國人很少食的，可見應該非英國本地人開，有無骨雞回應本地人需要，這裡有不同辣味選擇，最辣嗰款，職員講明好辣，對鄉講人而言，濕濕碎！

韓式炸雞只屬中級，我哋每樣也試試，總叫做多樣選擇，在鬼佬地方，係食炸雞、炸魚、炸薯條、漢堡，那有鄉講咁多姿多彩！

愛丁堡詠春：魔術都係假，功夫也是一樣

 我先講事實先，我都可以話係一位垃圾詠春師傅，我都係送個仔學Judo（柔道），你咪知詠春幾垃圾，掉落地都冇人要，真係可悲！

星期五去游水，星期六打Judo，真係有益身心！學甚麼垃圾詠春，浪費時間，浪費生命！

面書睇番十五年前相片…

原來我也教過下人，對方唔夠埋肘，用個身去借，我要求佢要平搏頭，因為單黐後雙黐，每隻手都要獨立做到才得…云云，不知不覺也十五年了。

我奉勸所謂詠春師傅，多用心力、體力、汗水去教，齋黐係冇用，要打包、餵招、自由搏擊…，如果嗰個詠春師傅上完堂，唔使出汗，你叫佢食屎吧！成身臭汗好似我做地盤咁，就差唔多。

只要時間容許，我會公開我所知嘅詠春，費事再有人招搖撞騙，我唔怕坦白講，九成嘅野都係垃圾，如果唔係點呃你十年學費，有用嘅野，一兩句講晒。絕大部分都係似是而非、玄奧到無法知、不可知，因此亦無法辨別真偽，呢啲咁嘅嘢，上到擂台就出晒洋相。

（人世間，真嘅功夫有幾多？國術真係少到你唔信。徐大師係用斜45度日字衝拳加攤手，簡稱攤打。）

（太極、詠春，食屎吧！唔好再獻世，好醜啊！）

移英日記（352）加稅在即

 我曾經返「鄉講」，係多姿多彩、多野食，都不過短暫口腹之欲，不能長久，否則三高好快殺到，身體也會出問題。

雖然知道呢度掠水，申請掠一筆，永居再掠一筆，入藉再掠一筆，收入要交入息稅，消費要交消費稅，就算死，都唔放過你，要交遺產稅（如果遺產夠大的話），自置或租住都要巿政稅，除非瞓街乞食才收唔到稅。

有些鄉講朋友，丈夫揸巴士、老婆做酒店，生活相當唔錯，一放假就帶仔女周圍去玩，成個「勾洲」俾佢哋玩晒，佢話真正嘅葡撻，甜到死，千奇唔好食，跟住又話去音樂之都「唯也鈉」，如果我跟呢啲人去癲，好快傾家蕩產了！

嬰國係窮鄉僻壤，但「勾洲」很大，要睇嘅野很多，問題係你有冇咁多錢，資源係一個大問題，我有錢寧願買樓，讓自己安居樂業，不是更好！

嚟緊經濟都困難，因為科水俾「污黑難」，尾帝放下勾洲防務，要你哋勾洲人俾軍費，錢從何來？咪不住加稅，揸乾你為止！

移英日記（351）真相難尋

 人係好想知道真相，但真相俾你搵到又點啫？作惡嘅人仍然逍遙法外。

（就算公開晒啲文件，都冇人為呢件事負責，亦不知道真相。唔係一般小國，而係世上唯一嘅超級大國，殺總統也可不明不白。）

（當日死因庭裁定山火是人為，當日不追究，因為知道學生年少無知，亦在山火受到重傷或死亡，社會需要盡快由傷痛中走出來。）

我問下AI…

綜合所有資料，沒有確切答案，全是坊間傳言及未經證實消息。張潤衡雖然口供前後矛盾，並不是誠實可靠嘅証人，由不認識、不記得煙嘅牌子，最多知道萬寶路，到確認當日所食是卡碧煙足可見。佢係人見人憎也好，借光環牟利也好，卑鄙、無恥、下流、賤格…也好，恨之入骨也好，都唔能夠証實佢就係真凶，除非嗰四個吸煙嘅人良心發現，講出真相。

今日我哋所謂嘅真相，多少係網絡演算法嘅結果，你越想知甚麼，越想確認誰是真凶，網絡就會俾更多相關消息給你。例如你信有外星人，你日後搜尋都會收到更多支持嘅資訊，支持這論據，你以為全世界大部分資料都支持這論據，其實只不過你部手機、電腦，按著你嘅喜好，俾這類資訊給你。

蘇婉珊、民安隊周sir，都是可靠嘅証人，然而只能作為旁證，因為他們沒有親眼看到小平原誰在吸煙，不能証明誰是真凶，因為最關鍵嘅砌圖，在張潤衡、李雋文二人之手，只要佢哋將秘密守到落棺材，真相永遠都冇人知道。

一個人樣衰，唔代表係壞人，同樣，一個人令人討厭、卑鄙、無恥、下流、賤格…跟他有沒有殺人，沒有直接關係，有煙有火機有吸煙習慣，有派卡碧煙，只增加佢嘅嫌疑，基於疑點利益歸於被告嘅原則，在現有証供、証詞、証物，沒有人可以被定罪，廿九年前唔可以，今日更加唔可以。

（這個世代，真相俾你知道又點呀？造假完全冇代價，只要後台夠勁就可以。）

英國駕車唔守規矩可以罰到你昏

 雖然這裡不似「鄉講」，停一會就有警察招呼你，不過唔守法，任何一處嘅政府都唔會錯過賺錢嘅機會。

呢架車衰乜嘢？DVLA親自對付。

原來冇交road tax。

切勿自行爆鎖，後果嚴重！

亂泊車，可以罰你多張告票。

呢架車又衰乜嘢？冇劃線嘅路係可以泊車，但佢兩個車輪上了行人路。

某些範圍，指定時間禁止駛入，仲有警察影相咭牌嚇嚇你。

在「鬚革難」某些地區，測速相機紛紛停用，駕車要講求自律。

IB投資系列：減息都唔買尾債

 尾帝減息呼聲日大，有人估計減25個基點嘅機率達99%，因此有不少youtuber紛紛提出無腦賺錢大法，只要減息前買了尾債，九月減息，債價便會立刻上升，係咪真係咁容易？

首先，係咪減息，唔係尾國話事，喺尾攣處話事，尾攣處係聽命於財閥，財閥聽命於幕後玩家。另外，減息後，收息產品價格一般會上升，但最終仍取決於產品嘅供求。

以往記錄可知，減息後，債價並沒有上升，反而下跌，因為人們預期刺激經濟，反而投資其他資產。又或者減息後，尾滙下跌，賺息蝕價也不著數。所以價格係取決供求，不是息率。如果幾個持有尾債嘅大國都冇爭持，除非尾攣處量化寬鬆炒底，否則，尾債難以上升，反之，大家都偷步入巿，其實是高位入貨，有機會蝕錢或者成為蟹貨。

所以，買尾債，係估尾攣處會量化寬鬆炒底。買尾股，係預期刺激經濟，資產價格會上升，要攪清楚你嘅預期係乜嘢？才作出正確部署。

尾帝非農就業數據做假，就係為了提高債務上限，刺破這個謊言，就係要減息，減少利息開支，因此減息機率可能頗大，25個基點吧！唔會太多，因為關稅導致入口性通脹，佢唔可能大刀闊斧。

某尾債ETF今年已升1.7%，即係已經有人偷步買入搏減息。減又減得少，25個基點左右，升也升不多，我就唔玩呢啲嘢，醒嘅人升了1.7%已經沽貨走人，仲要等減唔減息？債價如何咩？反而那些受利息敏感嘅股票，反而係機會。

（本星期賣11張期權，收期權金1011尾元，約七千八講元，幫補下吧！人窮無辦法，雞碎錢都要賺。）

（高奴「𡃁屍婆羅屍」期權賺嘅錢，俾我哋十世都食唔完。低奴賺嗰幾千蚊都好意思post出來，唔知醜！）

（奴隸主「突郎浦」兒子年幾輕輕，身家過億，「同人同命，同遮唔同柄」，這個年幾我只係一個垃圾，在機鋪睇人打機。）

（第一代街霸，睇人爆機也興奮！打機已經冇錢途，睇人打機，更廢更無聊！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。