IB投資系列：America永垂不朽！

 「尾帝」嘅財政黑洞，唔係小數目，單靠加關稅及提升政府效率，根本係杯水車薪，要真正救「尾帝」，短期係要氹人買「尾債」，頂住筆數先，長遠要印銀紙及減息，這些招數要使出，都必需整冧個巿。

「突郎浦」宣布加徵入口汽車關稅25%，個巿又冧，仲要周圍點火頭，世界越唔安全，資金就會留在「尾帝」，股票唔掂，局你買「尾債」。

有人妄想做老大，想另起爐灶建立新世界秩序，冇咁易！「東瀛」被「港祥協議」攪到失落三十年，「天朝」想有甚麼好結果？「尾帝」定必重搥出擊，打到你殘。

從來老二都沒有好結果，睇「變型金剛」都知，「星星叫」想做老大，就俾「麥加登」打到殘。

究竟「尾帝」能否力挽狂瀾？冇人知道，但競爭有所謂比較優勢，好似我所住嘅「嬰國」很好嗎？統治很好嗎？顯然不是，但只要原來嘅地方比「嬰國」更差，仍然有人怨住都會長住「嬰國」。同樣，「尾帝」係爛，但只要其他國家更爛，「尾帝」也不會冧檔，殺敵一萬，自損七千，仍然有好處，因為只要其他國家更爛，資金也無選擇仍然留在「尾帝」，錢留喺度，都唔會想佢冧，只會繼續投資，咁「尾帝」就唔會死，永垂不朽！

咁嘅「毒招」都想得出，「尾帝」政客係污糟邋遢，咁又如何？但只要能証明其他地方更污糟邋遢，則「尾帝」仍然係光明。

冚世界都係污糟邋遢，講咗嘅野唔算數…

到「污黑難」有事，邊個國家有派兵幫助？

如果你說「備忘錄」沒有效力，咁「忠嬰攣盒星名」放埋喺「攣盒國」嗰度，何時淪為歷史文件？

「尾帝」永垂不朽跟你投資是否富貴，完全沒有關係，佢整冧個市，已令到許多人雞毛鴨血！

（有的股票崩壞中，千萬不要沾手。）

（某些地方貿易並不自由，亦應小心，可保平安！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。