2025年3月22日 星期六

移英日記(223)勒緊褲頭?

 經過五日大戰,到了星期六,小朋友唔使返學,大人唔使炒股,一切都變得平靜。

賣了看跌期權,賺了千多元期權金,當然去愛丁堡帝豪飲茶,高奴請客,低奴唔去,視為不敬!


帝豪嘅三燒飯(燒鴨、燒肉、叉燒)也加至18.4鎊,碟也細了淺了,燒味也少了,飯也少了,做生意,我都明嘅,最低工資加了,NI供款加了,物料也加了,巿政稅又加了,係冇辦法的,印錢令貨幣實質購買力減少,如果我唔係股票賺到少少,都唔會咁闊綽!(鍾意叫乜就食乜!)埋單五十幾鎊。

我也要調整每月使費,都要2500鎊(25000港元)至3000鎊(30000港元),靠每月收取利息、債劵利息、公司派息、基金派息、REITs 派息,也是不夠的,因為錢少,每星期賣一張看漲或看跌期權,每次都收千幾港元,一個月也賺幾千元,但這些操作都要量力而為,有100股才敢收看漲期權嘅期權金,有買得起100股或充足孖展備用,才敢收看跌期權嘅期權金。我主力仍是靠買賣賺取收入。

如果要靠極大力去賺取收入,咁就唔係被動收入,亦稱不上財務自由,起身第一部就係睇股價,睡前也是這樣,只不過中間嘅時間自由,可駕車接送兒子返學、超巿購物、讀聖經、學英文、功夫操練等等。

大不列顛唔好之處,係要計稅、交稅,好嘅係時區上可睇晒整個美股,包括盤前盤後,以前炒美股要捱眼瞓,根本唔夠精神,有錢都執唔到。

現在都唔夠錢買樓,因為要保留資金去投資賺錢,唔可以All in喺層樓度,睇過「富爸爸窮爸爸」都明,自住樓係負債,出租樓才是資產,可以產生被動收入。要等待某電車股價回勇,才有機會。

(正所謂:「同人唔同命,同遮唔同柄」,人哋有錢係人哋嘅事,自己努力改變命運,才是正路。)

沒有留言:

張貼留言

IB投資系列:搶錢遊戲

 「搵訂幣」在今日嘅量,確是不足以承擔晒尾債,但只要是虛幣價值繼續上升,各大電商如「啊馬信」、「伊卑」都要用佢哋嘅「搵訂幣」支付,根據尾帝「天財髮按」,「搵訂幣」必須要用尾元或尾債支撐,咁即使我在大不列顛嘅「伊卑」買野,唔係用「嬰鎊」,而係要用「伊卑搵訂幣」,伊卑也必須買尾元、尾...