IB投資系列：食麥當勞財務自由勝過奢華揮霍破產

 甚麼是財富自由？

如果真係以消費能力去衡量，真係好可憐，因為呢啲全部都係窮人思維，真正財富自由、財務自由，係有駕馭錢嘅能力，而唔係被消費支配。

好像「成哥」係有能力戴「肛絲單動」嘅名錶，但他獨愛「腥神」，「爸飛突」係有能力吃美食、飲「罅隙」，但他獨愛「勿當奴」及飲「呵絡」。如果以消費力去衡量財富自由，那麼許多退役NBA球星，許多中大獎嘅人，最終走上破產之路，佢哋又自由嗎？

（究竟食「勿當奴」嘅人有錢？）

（還是過奢華生活嘅人有錢？水退就知邊個冇著褲。）

真正嘅財務自由，係指被動收入超越支出，如果有些專業人士，工作賺很多錢，使錢亦多，但手停口停，根本談不上自由。反觀如果攞綜援，如果慳慳地仲有錢剩，嗰啲才叫做自由！

賺幾多使幾多，都唔啱！賺嘅錢要遠高於使嘅錢，其餘嘅錢一概再投資，錢搵錢，才能修成正果。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。