IB投資系列：高奴教你發達？

 你睇任何給網頁、YouTube都唔會令你發達，最多係俾你多個角度去睇一件事，幫助你作出較好嘅分析及判斷，因為你一日沒有成長，一日也沒法駕馭金錢及財富。

高奴「爸飛突」講得冇錯，投資唔需要超高智商，但需要情緒穩定和獨立思考。其實這兩項條件，一點也不簡單，面對巿況波動，要做到泰山崩於前，而面無懼色，係十分難嘅。至於獨立思考，巿場有無數雜音，有幾多人可以堅持信念到尾呢？

已故高奴「茶你杧隔」也沒有老點，只係做簡單合乎邏輯嘅事就成功，簡單講即係common sense普通常識。例如，「鄉講人」係全球最長壽嘅人，「強迫金」MPF可唔可以讓人安心退休？用普通常識都知不可能，因為「強迫金」回報低、收費高，就算加上自願性供款都冇用。你知、我知、嗰個單眼佬都知！

好似學詠春咁，許多人以為要用甚麼複雜嘅招數，其實最簡單就最好，啲師傅越教越複雜，只不過呃學費，實際應用到嘅機會少於1%。好像option期權，有啲人嚮往好多唔同嘅招數，期實只要方向正確又唔好太貪心，揸到尾已經穩賺。好似我每星期賣一張看漲或看跌期權，風險只要不要太大，每次都穩賺「期權金」而無需強制賣貨或強制買貨，每張千多港元，一個月額外穩賺五千港元。如果貪心，每次賣十張，一個月賺五皮，甚至更多，但終日心驚驚，又要諗定止損招數，咁又何必呢！

（每月收利息，加基金、債劵、REITs 、公司派息，加上「期權金」，已經夠生活，只不過派息有的月月派，有的每季派，有的每年派，有些月份可能得幾千，仍需要積極買賣股票賺取。）

（以前投資未夠醒目，諗住買啲收息產品，以為穩陣點，點知尾帝不住加息，令產品價格下跌，賺息蝕價，最近「成哥」賣港口，以為可以甩手，點知信托嗰啲港口與這次交易無關。善用AI整合網上資訊，可以快速了解件事，有助投資。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。