IB投資系列：你信邊個？

 「尾股」有兩極嘅講法，一邊唱淡嘅「高奴」，在高位沽貨走人，一邊唱好嘅大行，聲稱「彪泡」再創新高，你信邊個？

先講答案，身體永遠最誠實，「高奴」用行動講了答案，如果「彪泡」會再創新高，點解唔等股價再創新高才沽貨？咁笨，益下啲散戶，回饋一下支持者？咁反智。當然宜家仲有少少尾水，無可能「突郎浦」一登基就冧檔，咁失威掛！

「尾股」現時估值偏高，「尾債」回報創新高，係崩盤嘅先兆，點解要將自己身陷險境，正所謂：「君子不立危牆之下」，點解要冒險呢？

(「突郎浦」要全面發展AI，領導世界。問題係仲可唔可以拎到咁多銀紙再注資，因AI係燒銀紙，定係高調咁做，引人落疊？）

（探索火星又係燒銀紙，「突郎浦」自知國庫空虛，莫非「明修棧道、暗渡陳倉」，扮有錢，呃全球人投資「尾國」。）

（大摩老吹「突屍拉」目檟價800美元，跟住又話低見200美元補底，任佢噏！）

（人哋賺十萬九千七，唔好理佢，我自己賺到茶錢便算。人哋跳樓，唔通你又跟住跳麼！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。