要發達最好嘅方法，當然向「高奴」學習…
股票嘅野，低買高賣咪賺錢囉！道理好簡單，但要做到卻不容易，例如「扒零T啊」，七十幾元買唔買呢？出面吹到九十元，若如此八十元都應該買，但事實呢？大行唱淡，跌到六十幾元。
買唔買？好在乎你嗰一刻嘅「腥屎」Sense，如果你有不住收集資訊嘅話，你要加埋即時嘅資訊，立刻作出判斷，幾多錢買？幾多錢賣？唔明確就不出手。好像詠春黐手，你要分到個力係真？定係假？係試探？定嚟真？好似追女仔，條女話你住得遠唔使送，如果你真係唔送，就冇得玩喇！大好姻緣都俾你摧毁！
每個人嘅「是戴奴」Style都唔同，我一有機會就密密出手，用快拳，贏點數TKO，贏啲雞碎錢，袋咗落袋先係真，「歪芺」wife就等機會，忍到手，一出就出重拳，KO，一鋪可以俾佢追番晒。
不住做成功嘅事，成功就會越來越多，不住累積少嘅成功，就會成為大成功。
（邊啲公司值得投資？你自己都要睇清楚。）
（當然德國車廠都唔掂，因為早前太依賴某些地方。）
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言