今早「校長」傳召我及「歪芺」去吃早餐，以為有甚麼大事商討，原來她察覺到我兒子嘅問題，特要討論一番。
其實自從經過「無廢」，對所謂「專家」已不太信任，不過大家既是朋友，又是弟兄姊妹，冇理由老點你嘅！事後也有很多啟發。
我事後反省，原來我嘅父母都是「紋格」嘅餘生者，逃亡至「漁村」過新生活，佢哋未至於係壞人，但價值觀已被扭曲，我「老豆」經常話：「有強權冇公理」，對我也有一定影響，我要求兒子要獨立，自己攪掂自己就可以，我哋兩條老野自己攪掂，我哋隨時會「拉柴」，本意係想佢自力更新，亦唔想兒子有供養父母包袱，亦唔想兒子成人也問我哋攞錢…「校長」立刻叱責我哋total錯晒，又冷、又冇愛，亦令佢只顧自己，將來非但唔理你哋，未來建立家庭也是一樣。
有時，即使心裡是這樣想，口也不能咁快講出來，咁會限制佢發展及想像，亦令他冇安全感，對幾歲嘅小孩，太沉重，而且我經常閉關練功，獨自在房間，又要炒股、又要睇聖經、又要練結他，詩歌敬拜，又要練英語、又要練功夫，根本冇建立親子關係，將來你死咗，都唔會為你流淚…吓！咁大鋪！
我唔介意有冇人為我流淚，只是咁樣做，係咪真係對兒子好。即使投資賺錢、聖經知識充足、自彈自唱詩歌，功夫唔打得都呃得下人，有板有眼，講得下英文，似番個英國人…如果父子關係冷漠，唔通上帝會讚賞我麼！
（當日，我便放下世務，駕車由校長家直接去學校接小兒放學，跟住返家，沒有再閉關練功，只是陪兒子傾計及玩，玩變型金剛遊戲，我做麥加登及聲波嘅狂派，兒子做柯柏文嘅博派…當晚兒子冇睇過電視及玩iPad，沒有藍光，晚上睡得好，情緒也改善，上帝將孩子交托給我，如果這事冇做好，其他野練到幾勁，也是冇意思的，因為最重要嘅野冇做。）
沒有留言:
張貼留言