特朗普任美帝總統，一定出三招：高入口關稅、低企業稅收、重視石油。高關稅令本土製造業受惠，也令入口性通脹，利率升，債價跌，減企業稅，令本土公司盈利上升，股價升，支持石油，令本土石油公司受惠。理論上，美帝升、升、升，無腦入場，搵真銀，係咪咁筍啊？
對入口產品高關稅，必招致報復，美帝出口少，入口多，究竟邊個需要貿易更多？再者，增加入口產品成本，就可吸引製造業返回美國麼？你做底褲會返美國生產麼？你做家電會返美國生產麼？就算做船也不會返美國生產。美帝貼埋錢，多重優惠，軟硬兼施，台積電才勉強設廠，唔係真係咁吸引，德國福斯車廠都攪唔掂喇，已發展國家，人工貴、土地貴、法制嚴、環保辣，加上工會搞搞震，生產成本奇高，根本冇錢賺。至於減企業稅，或對小型企業有幫助，大型企業透過各種財技或安排，何時交過標準嘅企業稅？至於重視石油開採及應用，定必令石油供應大幅增加，油價下跌，石油公司盈利減少，何來支持股價？
最近股價升、升、升，只不過巿場氣氛，多於事實，當氣氛退去，人們返回理性，股價就會返回真實價值。
美帝要做高科技，才能發揮自身優勢，例如：AI人工智能、高科技武器、晶片及軟件設計、可回收火箭等等。就是蘋果iPhone手機，也非美國本土生產，有甚麼問題，天朝嘅代工只佔1.8%，咪俾佢囉！如果要美國本土生產，幾萬元一部iPhone搵鬼買咩？
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言