2024年11月8日 星期五

IB投資系列:物極必反

 臨到年尾,又要做好數,準備年頭交稅,資本增值稅係唔使交,因為「講股」唔見三十幾萬及一些唔生性股票,成年投資都白做,但利息稅卻要交,因為上年度借日圓槓桿,持有美元扣除日圓利息都十三萬,持有股票、收息基金、債劵⋯⋯也有廿幾萬,合共四十萬港紙左右,即每月約有三萬幾港紙(三千幾英鎊),在英國生活足已!

(英國有稅務問題,睇「小魚爸」,「歪芺」都係睇佢嘅片學識點計稅。YouTube都有勁人,但不少講到關鍵位就唔講,要課金才知,吊你胃口,嘥你時間。)

今年投資環境轉差,又冇日圓槓桿,借回嘅美元有利息收,買嘅股票有股息收,炒股死晒都冇問題。不過進入減息週期,靠利息俾租,靠炒股維生,始乎會困難,故真係認真逐步兌換更多英鎊,以便置業,真正落根英倫。有樓就唔使交租,萬幾港紙就夠生活。

現時「歪芺」(wife) 在ISA炒股賺嘅錢比我還多,教識徒弟冇師傅,佢出招效率比我高,更平嘅價錢買入,更貴嘅價錢賣出,出一拳,比得上我出連環拳,好像拳擊對詠春咁。不過,呢啲先係好師傅,徒弟永遠咁笨拙,好像今日嘅詠春師傅,自己已經唔得,又怕徒弟追上,永遠留番三幾招,使佢哋永遠不能出人頭地,永遠開唔到館,永遠唔會有競爭,真係正式垃圾詠春師傅,真正嘅師傅,一定係青出於藍,勝於藍。

(拳王泰臣嘅教練,絕對係傳奇教練。有的傳統師傅,自己唔掂,重留幾招,怪不得國術大都垃圾。)

ISA免稅戶口每年只有兩萬鎊(20萬港元),可能「歪芺」的策略較有效,我用平均買入法,每股成本較高,利潤較少,但相對安全,也不會錯過機會。要真係等到夠平才買,係唔容易,好像標普500指數,幾時有平呢?但如果等冧巿才買,總比平均買入法便宜,賺錢更多。沒有絕對嘅對錯,視乎甚麼巿場對甚麼手法有利。

現時投資環境嚴峻,股價太高,買唔落手,正所謂:「物極必反」,事物去到極點,必定轉向相反方向,一旦崩盤,持有太多蟹貨,一定損失慘重!

免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。

沒有留言:

張貼留言

IB投資系列:天仙局

 尾帝使出戰爭、關稅、滙率等手段,引發恐慌,迫巿場變賣尾股去買尾債,當然有人落撘,有人屈服,好似某YouTuber也叫人開IB買尾債云云…我不反對亦不支持是否買尾債,亦無意冒犯某Youtuber ,因我無法得知是否賺錢。 但幾個尾債最大持有國仍然未有首肯,咁攪法是否迫使尾聯處降息...