IB投資系列：不要輸錢

 投資好比拳賽，有經驗嘅拳手，好像播求，除了天朝贏了冇命走嗰場，打得好難睇嘅假拳，正常而言，贏又是點數，輸也是點數，KO是極少。

投資也是一樣，風險跟回報係成正比，你要一夜發達，也要一夜破產。有經驗嘅拳手跟有經驗嘅投資者也是一樣，守得好好，贏又是贏點數，輪也是輸點數，上得擂台，即使贏不了，也不致於拋白毛巾咁樣衰！最多都係輸點數，仍然站在擂台。

股神巴菲特指出投資第一法則：永遠唔好輸錢，第二法則就是不要忘記第一法則。

好似打拳，你打中人，亦被打中，不要緊，只要中人較多，點數取勝，就可TKO技術性擊倒贏了。炒股票，怎可能次次都贏？只要贏多過輸，就可以贏了。（未必贏得咁瀟灑）

比賽要贏，也是一個部署及安排，曼聯前領隊費格遜咁值得人讚賞，當然有其道理。

如果資產夠多，分得夠散、夠分散，要破產乞食真係好難，除非核子大戰、世界末日。不過我哋這些「低奴」，只係比「賤奴」好一點，唔使做死一世，可以提早一點退休，仍要戰戰兢兢，睇實個巿，一不小心就會降為「賤奴」，分得太散冇肉食，根本生存唔到，ISA戶口錢少，集中炒美股才有高回報，因此風險系數仍然存在。因此我次次預警，唔係「狼來了」，以為次次都重有幾個月炒下，只要有一鋪「幕後玩家」來一招快刀斬亂麻，即刻全部割韭菜。（普京射一個撒旦導彈，全球股巿即跌，佢都賭上一切，要全球人埋單）

（木頭姐話某電車股價升十倍，咁點解一升就放，講咋嘛，升唔升到邊個知。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。