IB投資系列：仍未可退休

 要退休，首先要財務自由，意思是被動收入足夠支付開支。以現時英國生活計，兩皮多一點係冇得走雞。

以現時形勢，似乎不錯：

息差半個月已有3222港元利息，留意係負百幾萬，股息有12875元港元，加埋Chase銀行的二千幾元利息，等到月尾息差，被動收入應有兩皮，正式退休！

咪住，我們不能睇一個月去決定，至少睇半年至一年。首先，我冇學某些人買股票，執到月月派息，因為買賣股票，應以公司質量為準，而非派息時間。而且有大鱷沽空標普500及納斯特克，佢地唔知是否收到風會繼續加息，未來危機仍持續。

過去美股強勁，人人都執到茶錢，我唔貪心，幾百也好，一千幾百也好，賺到就係賺，上兩個月，差不多每個交易日都有斬獲，積少成多，每月都賺兩皮幾，不過這半個月，炒賣只賺幾千，可見巿況轉差，我不會忘記早前半年都賺唔到錢的日子，正所謂：「好天斬定落雨柴」，小心為尚。

（有些企業無盈利，十分危險，切勿沾手。）

（某些巿場危機已現，透明度低，切勿沾手。）

（全球一體化，孤立不可能生存。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。