Edinburgh Wing Chun：中線、子午線、軸心線

 許多詠春師傅都會話，人體左右中分，叫中線，我方中線與敵方中線連成一線叫子午線，一切爭持皆不出這條線。究竟係咪真？師承不同，版本有異，叫人摸不著頭腦？

詠春中線與子午線共用，意思相同，究竟何謂子午線，讀過地理一定知道，由北極至南極，經過格林威治，就是本初子午線。簡單說，由上至下中分，就係子午線，所以，以正身二子箝羊馬而言，子午線就是中分人體左右，故亦稱中線，我們當說守住中線，攻擊對方中線，以正身而言，也是正確的。

不過搏擊係一個動態場境，人與人不住互動，難以正身相對，可以偏左，可以偏右，所以詠春拳訣有句話：「側身以膊為子午」，當正身時，人體重心也在中線，但側身馬時，重心移至其中一隻腳，所以子午線由頭、肩膊、重心腳。

有些詠春師傅講中線，教徒弟追住對方的鼻打，因為這不過是正身的子午線，教到唔清唔楚，有次徒弟打到人身到歪斜，都要移位至對手正面出拳，真係無聊！打腮骨唔得嗎？打太陽穴唔得嗎？如果佢背住你，打後腦都可以，真實搏擊唔係打比賽。

這裡不講甚麼大道理，只係要讓人清楚明白如下：

詠春中線 = 詠春子午線 = 軸心線

不過為免誤會，直接用「軸心線」，守中攻中，倒不如說守軸心、攻軸心，就更加清楚明白。

（留意這條軸心線會隨著重心轉移而改變，如果全側身打出日字衝拳，則軸心線就是由頭、肩膊、重心腳，正如拳訣：「側身以膊為子午」。）