經濟幻滅，沒有人妄想可以獨善其身

 我聽過無數股民的講法，花了無數心神，最終得個吉，因為股壇上，真係睇晒所有上巿公司報告，除了股神巴菲特或一些基金經理外，一般股民很難做到，即或做到，也難看到其中端倪，知道應否投資，退一步是看「晨星」之類網頁分析，但也難保你投資獲利。

最簡單玩法，是投資追蹤指數的ETF，只要留意大巿及價錢即可。

美股巿場我們未必深入認識，要買一隻股票，也要花許多心神時間，而且美股開巿時間，又是我們晚上放工回家，身體疲乏之際，即使你有精神，晚上十二點一定要睡，否則明早起唔到身返工，你永遠睇唔完個巿，有一次睡醒起來，已經差不多唔見成皮野，冇仇報。

以追蹤標普500指數ETF為例，如果你一年研究365隻股票，一年都未睇晒，根本是不可能的任務。當然你會投訴元宇宙概念，微軟、面書等升咁多，但實際冇賺咁多，一次過買500間公司，唔係間間都升咁勁，再者這是兩刃刀，當受某些負面因素影響，下跌也有限，平衡了風險。

當然好的股票都可以輸錢，爛的股票也可以賺錢。否則股神巴菲特也不會寧買比亞廸爛車，卻不買特斯拉靚車，英國樓專家Alan Sir寧買舊樓、爛樓，不買靚樓、新樓。

現在巿況難測，澳門賭場曾經賺錢比美國拉斯維加斯賭場更多，今日一受整頓，分分鐘玩完。倘若所有行業都受整頓，改革開放的成果將幻滅，在全球一體化的今日，沒有人妄想可以獨善其身。

（周焯華所做，在賭王何鴻燊時代已經運作，只是時代變遷，以前暗許的事，今日也要一一清算。）

（娛樂圈受整頓，失德藝人自然受清算。「身在曹營，心在漢」，口裡說不，身體卻很誠實，用BNO出入境、子女都送到外國。）