兒子反枱，老師投訴

 

（烏鴉張耀揚，唔俾面就唔俾面，好似我這個年幾的人，一定有的回憶。）

最近收到幼稚園老師告之，兒子在課室反枱，跟著站在上面，仲不知悔改笑笑口…。

之前幼稚園報告已經唔好，現在操行又出事，好像發生好嚴重的事。講真，兒子十二月才出世，三歲未夠，你期望他可以怎樣？

兒子能夠用中英文順序讀出1至10，成績報告卻是中文讀出1至5也是普通成績，那麼他真的學到知識重要？還是成績報告重要？

我在黑板用粉筆畫出圖象，兒子可用英文讀出該圖象，不過只限車輛。而且只限不同類型車輛，但分不到牌子，我畫了架車，他能說出是跑車，但說不出是林寶堅尼？還是法拉里？但已足可証明這個年幾有圖象分辨能力，但就不能要求太高，始終在街上見到名車的機會並不多，除非在杜拜，警車也是超跑。

至於在課堂攪事，只是成年人所看，小朋友所看的世界及認知，跟我們是不同，我猜想，兒子反枱，只不過試驗翻轉能否站穩，既能站穩，企埋上去，覺得很神奇，咪笑笑口，十分開心。

小朋友的世界比大人簡單，只有食、玩、瞓，大人反枱即係無得傾、無面俾、敵對的表現，對小朋友而言，just a game，係咁多。

（大人世界與小孩子不同，不能相提並論。不過讀過高深教育的人都這樣，是否有點兒過火？）