本來我一心去大馬提早退休，兼讓兒子入讀當地國際學校，然而疫情影響，未有帶家人去大馬實地考察，MM2H更遙遙無期，直至八月，大馬宣佈十月重開，然而條件及要求大增，不得不打消這念頭，即使十月重開，要求減低，政策朝令夕改，也令人失去信心。
由始至終我對英國好感也不大，否則早前就不會寧要十年大馬VISA，也不考慮英國5+1移英計劃。再加上我認為只要讓兒子在自由的地方讀書，有獨立思考的能力，去到邊到，也不會成為障礙。再者，二三十年後，究竟是誰掌權也冇人知，世界變成怎樣，也冇人知？要下一個決定，關乎下一代，幾十年才知曉，誰能敢說決定一定冇錯？
蘋果也曾經歷極困難時候，直至喬布斯重掌，才扭轉敗局，股價急升。今日香港情況也一樣，一國兩制受到史無前例的挑戰，但根據往積，八九、九七移民的人，很多人也回流，錯過升職的機會，賺錢的機會，甚至樓也買唔翻，後悔莫及，歷史會不會再重演？
但今次情況有異，走的人甚至令香港人口減少，有人放棄自己專業，有人放棄千萬退休金，唔係個個都係許智峯走難才走，個個有頭有面，社會的精英，你以為智慧比他們還高嗎？你以為眼光比他們更卓越嗎？誠哥唔走，或賺到最後一刻才走，只不過公司一早部署好遷拆海外，整個家族也取得加拿大籍。
其實人應該專心工作，專心進修，專心投資，努力賺錢，或者努力練好詠春，方為正路，花太多心神在移民實屬無謂，但環境又迫到你唔做唔得。上網找資料、找學校、找住屋，真係忙到甩轆，睇滙價，英鎊升，屋租升，對投資而言，高追是大忌，摸頂入巿，更是自尋死路，但一邊懷疑，一邊繼續，因為現在不是「兩利取其大」，而是「兩害取其輕」，如果香港情況不是轉差，又有誰想走呢？
沒有留言:
張貼留言