IB投資系列：轉碼

 除了神以外，無人會知道未來，因此人人也有不同睇法：

有人朝傳統板塊，有人買大巿嘅「彪譜伍佰」，有人繼續在AI及科技板塊，完全找不到共通點。

有人睇淡後巿，全部清倉。

有人組建AI下層產業。

就是科技公司，也有不同部署。

就實際情況，資金確實由「尾股七雄」轉移至其他公司，這是不容否定嘅事實，因此AI嘅回調係機會？還是衰落？真係無人知，大家都係估估下！

我將資金買了某保險股UNH，「爸飛突」用312元買，我用289元買，現在雖回調，但應該十分安全。至於「彪譜伍佰」指數基金，應是安全之選，我沒有買傳統嘅SPY、VOO，卻劍走偏鋒買「愛已難」註冊，「淪噸」交易所上巿嘅基金VUAA，管理手續費雖較高，但佢嘅股息稅係尾國嘅一半，除笨有精，而且佢係累積型基金，不派息回饋在股值，對於大不列顛嘅低奴，股息係當收入稅，過了免稅額要交稅，不化算，這是最好嘅部署，這是長期投資，並非短炒，要有揸幾年嘅打算。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：長期高機率才會贏

 就算足智多謀嘅曹操，都會中計…

股票巿場一樣係咁，你以為執錢，往往都係套牢，資訊表面透明，但實際危機四伏，大行想出貨才唱好，找替死鬼，只有嗰啲用真金白銀去投票，可信性才較高，所以唔係睇人點吹，而係睇人買咗乜嘢？這才重要。

一睇都係大路野，總唔離開「尾股七雄」，總唔離開AI板塊，只不過不同投資者組合比例有異。

我覺得較為具體、真實係睇期權表，有人買升、買跌，用錢去投票，比任何選舉都要真實，雖然最終結果未必完全一樣，但至少知道巿場睇淡？定睇旺？

好像某股王嘅期權表，現價188元，一年後升至360元機率高不高？看360元賣出看跌期權，可收171.15尾元，一張100股，即收17115尾元嘅期權金，即13萬幾講元，賣10張咪賺球幾，都係禾味！留意到期要在360元接貨，就算跌到100元也好，扣除已收期權金，成本約188.85元，跟現時巿價差不多。再看另一邊，360元嘅看漲期權，只收4.15元，意思我收了這筆錢，就算巿價升至500元，我都係用360元賣給你。睇完兩邊期權，未來一年，升至360元機率高定低，巿場已有答案。

當然，用錢去投票唔代表一定中，股神也會買錯「卡膚幸事」、賣錯「抬漬殿」，我賣期權，也有局住接貨或局住賣貨，你唔需要亦無可能做股神或者賭王，你只要掌握較高機率、長期落注、長期留在巿場，咁你就好似開賭場，最終都會贏。

（好似我學英文嘅軟件，用嘅人係越來越多，但股價反急跌，有AI，軟件股最終玩完。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：股神最後出招

 正所謂：「人之將死，其言也善。」股神「爸飛突」最後遺作，唔會跣我哋啩！

先睇持倉。

再睇最後操作。

減科技股、銀行股，擁抱舊經濟。如果你信「爸飛突」，即係相信AI泡沫將到，要轉移至舊經濟才是保命之法。如果真係要搏，只有「焀哥」這間得，從股神持股足可見，佢同「標基」咁friend，都唔買「媚宛」，就可知道。

這一刻，我哋要準備美股隨時調整，走唔撤就麻煩㗎啦！

最近「天朝」機械人表演，十分出色，各式武術都可展示，以為這是人類未來，急急找供應商，看看有甚麼投資機會。

確實「天朝」在某方面係遙遙領先，不過最關鍵嘅大腦及精密控制，卻冇辦法掌握。

於是最簡單嘅野都學唔到、做唔到，只不過係白痴機械人，表演那些不過是寫程式做出來，只不過一件玩具。

（人為操作機械人。正常人都會等「馬屍黑」嗰部才會買。）

軟著陸是真？是假？冇人知，我淨係知冇人敢除安全帶！大家自求多福啦！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：舊經濟？新經濟？

 要發達唔容易，要在大不列顛發達，更是逆水行舟，近乎反地心吸力嘅操作。

假設每星期收期權金一萬講元，一年收50萬，交稅約24%，約12萬，生活費每月2.5至3萬，冇錢儲蓄，資產難以增值。

我睇好嗰隻「攣盒鍵腔集團」UNH，保險股有好多古靈精怪野，唔係我哋凡人睇得明，我淨係知道，買保險易過借火，索償難過登天，如果唔係個高層就不會被人暗殺。

「爸飛突」用312元買，故300元或以下買應該穩陣，270元可加碼，240元瞓身，然而短期風險及波動極大，只適合長遠投資，我唔係咁有耐性去投資咁長期嘅東西，只因頻繁短炒在大不列顛好大鑊，局住要留意呢啲股票。

AI究竟係泡沫？還是取代人類？真係唔知，有說2027年取代人類大部分工作，有說2030年，每一種說法也好像有根據，究竟這一刻投資舊經濟？還是新經濟？就決定我們將來貧或富了。

投資唔同嘅野也有不同效果，你想安心睡覺，當然買「彪譜伍佰」，你想搏，就買虛幣，不過攪到今日仍蝕緊，究竟幾時返家鄉？真係冇人知。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（353）新年快樂！

 首先祝大家新年快樂，今年賺多啲！

身在海外，大不列顛島國，人微言輕，不過「講人」不屈不撓精神仍在，「低奴」、「中奴」、「高奴」均向地方「欽差」、「御史」、「父母官」上書陳述、表達意見，致使他們也積極為我們在朝中發言，發揮影響力，如果「嬰皇」「茶你屍」愛民如子，或惻隱之心，向首相美言幾句，叫佢唔好攪咁多野，政策或有彎轉嘅餘地。

今上唔喜歡「你黑強」嘅地攤經濟，「漁村」有樣學樣，用重兵戒嚴，新年死氣沉沉！

荒謬嘅事，在「新時代」，天天都會發生。

這些作品固然係低級趣味，不過攪清楚，對今上而言，「突郎浦」才是頭號敵人，「膏屎棗苗」不過跟班。

今早個仔準備了早餐，我也欣然接受，可能收了兩封利是，每封10鎊，發達了！

IB投資系列：要自由？定要食飯？

 大不列顛嘅特殊會計方法，冇賺錢都話你大賺，攪到我要出超必殺技，水平對臥引擎，係用左邊嘅震盪平衡右邊嘅震盪，互相抵銷。人地話你大賺，你大蝕一鋪，就可互相抵消！

咁計條數蝕成球半，才叫做「冇賺冇蝕」，呢個玩法，又要顧忌佢哋嘅稅務方法，又要考慮個巿，投鼠忌器，基本上肯定唔會發達，唔使輸到甩褲已經算偷笑！

任何遊戲，最緊要知道遊戲規則及玩法，一些仆街政客搬龍門、更改遊戲規則就冇辦法，Dyson都將公司遷去新加坡，只留一蚊股本，就係為咗避稅，如果最終政府都無意俾國藉，咁我受苦又有甚麼意義呢？去馬拉，大把野食，炒股唔使交稅，就是唔使做嗰條數，已經係天堂了！

在「漁村」只要閉口不言就可以。這裡挨破喉嚨又有用咩！人都係好實際面對生活，你俾我權力，但同時也要俾我有生存能力，如果俾你權力，但係你完全搵唔到食，冇意思㗎！管仲：「衣食足然後知榮辱」，冇衣食，講乜嘢都冇用！

本星期賣了六張期權合約，得五千幾講元。講開又講，HMRC計我買某電車嘅成本係我以前在「漁村」曾經炒過嘅二百幾元，賺幾點變成計我賺一倍，唔跳樓才奇。勉強維生，吊鹽水，低奴生活就係掙扎求存！

（自由緊要？還是食飯緊要？係好值得思考嘅問題。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

賊國賊城偷車風險高

 在大不列顛，駕車成本比「漁村」平，因為單單租車位，已可在這裡駕車了，加上這裡公共交通費用昂貴、班次不穩定、難以點對點，駕車誘因也增加。

除了買車成本，每年原廠檢車及MOT約二百幾鎊，牌費，這裡叫road tax要195鎊，視乎你架甚麼車，保險要七百幾至八百幾鎊，係全保，點解要買全保，睇睇下面例子便知：

某移英YouTuber架2015年出廠嘅Yaris俾人偷了，泊停車場有電閘都偷到，應該係跟尾車衝閘，「八名汗」果然係賊城。

大不列顛俾人偷車好普遍，尤其「嬰格難」，如果買了全保，俾人偷車，有替代車俾你頂住，攞到保險賠償，加少少錢應可買番架年份差不多嘅車。

我已經冇任何附加保險，正常人一定要加嗰個Breakdown Cover，一次拖車已要100至250鎊，四十幾鎊就豪俾佢，因做了「瘋填」原廠service，自然延長12個月保養及Toyota Roadside Assistance，由AA負責，因此冇必要重複俾。

一年保險1000鎊樓下，啲人話已經係平，我已經一把年幾，嗰頭近，差不多廿年牌齡，兩年NCD，都要866.41鎊，因為混能車嘅催化轉換器好值錢，盜竊率高，催化轉換器含有貴金屬：Platinum、Palladium、Rhodium，「瘋填」Prius係高危，Auris次之，Yaris屬較低風險，因車細、車身矮、轉化器細，含金量較少，利潤冇咁大，自然風險較細。

「瘋填」這等東瀛車，本在大不列顛並非popular，保費應較平，呢鋪俾班賊人害死！

（有人加裝toyota catalytic converter guard保護，賊人取易不取難，要鬆開幾十口螺絲，佢就唔會偷你。我部Yaris就唔攪咁多野，如果係較新嘅Prius才要考慮。）