愛丁堡詠春：轉馬撳手

 詠春小念頭已有前撳手…

留意攤、窒、標、撳、頂嘅連環動作，我淨係想問前撳手嘅動作係咁做，兩手係貼住中線，但肯定不是中線，手㬹大約距離身體一個拳頭左右，好啦，小念頭係基礎動作，尋橋係進階動作，轉馬撳手再加彈橋衝拳，撳手係完全冇改變，只不過因為側身馬，撳手嘅方向就成斜45度了。

好啦，睇吓以下所謂「師傅」點樣展示…

個馬已經唔靚，好浮，護手飛㬹太埋身，冇用。有冇料一眼就睇到，冇得呃人，撳手要破腳在物理上是不可能，因為腳力一定比手力大，加上撳手係借自己嘅體重，唔似攤手係借地下力，一個人不過百零磅，華人不過二百磅以內，腳踢絕對可以超越體重，你隻手受得到，你成個人都打到浮及散，個馬散晒，再追擊已經無法防禦。

因此，轉馬撳手只不過轉馬走側，避開對方攻擊同時，改變對方攻擊方向，所以用正身撳手，透過轉馬，成為斜45度撳手，已經係最好嘅角度，冇需要吹毛求疵轉動手腕，咁樣做反而增加受傷嘅機會，孔子曰：「過猶不及」，太多或太少，也不能接受。

當日「聾哥」用一棟樓嘅價錢去買「綜獅」嘅木人樁法，佢都唔肯，但後來「涼亭」用咁少錢嘅「開樁利是」，卻竟然教他，唔通「涼亭」嘅資質比「聾哥」更勁麼？同樣嘅產品，在不同時間，也有不同價值，以前AT & T電訊都曾經好值錢，今日已經變成垃圾，同樣詠春早已被呢啲師傅攪臭晒，仲點會值錢，咁嘅詠春，學都嘥時間喇！