移英日記（337）變色龍

 最近看到以下廣告…

講真，我自己返到屋企，除了大褸，都係著足夠衣物，冇開暖氣，至睡覺，一家三口睡在同一間睡房，晚上只開一間房嘅䁔氣，而且溫度只調較至15、16度左右，低奴、移英窮鬼，係咁過㗎啦！

「歪芺」幫我計數，由賺過百萬，計至最近反蝕過百萬，投資係咁㗎啦，你估打工穩穩定定咩？你想折扣價買「士卑益匙」就投資「迴聲星」，想折扣價買「俾突幣」就投資「微拆掠」，價格嘅折讓，就係風險所在，也是利潤所在，出得嚟行，預咗要還！

雖然賺唔到錢，但奉獻沒有減少，除了這裡「鄉講人」教會，「鄉講」教會因為移民潮、步入退休、人口老化，都唔係好掂，都要支持，開少啲暖氣又何妨？

呢個世界好多人冇立場、冇風骨，見風使利，明明係建制，有一點學識、有一點國際視野，又要扮中立，去到狼群又要扮狼，去到兔群又要扮無辜，最終左右不是人，咁又何必呢！

鄉講盡是這些攞盡好處嘅變色龍，唔係真心為鄉講好，為Country好，鄉講點會有運行呢！「泥老闆」今日身陷囹圄、生死未卜，「掘小姐」曾讚賞「泥老闆」係好老闆，咁今日佢會唔會為佢講句好說話呢？當然唔會啦！