移英日記（344）真正嘅幸福

 去了「嚮生」嘅鋪頭食野…

跟住去本來考慮去賽車博物館，最後都去了兒童遊樂場…

主要都是兒童活動為主。

最簡單嘅野，也整得好食，才顯出功架，豆腐係平價食材，也賣到80奧元，是有道理。豉油王炒麵，一塊肉都冇，大人細路全部搶晒食。

最後一日，再吃自助餐…

去了賭場…

但對我完全沒有吸引力，因為不是我嘅戰場，俾了「歪芺」一百元，輸了便算。輸多贏少嘅低機率操作，只有死路一條。

「劇鮮奴」這裡係叫娛樂場，並不是賺錢嘅地方，娛樂一下嘅姐，唔好太認真！

三日兩夜馬交之旅，令我深刻體會到：品格跟財富完全冇關係，在兒童樂園，有的操「天朝語」嘅小朋友霸住設備不讓位，理由係俾了錢，不過其實所有入場嘅人都俾了錢，所有野都輪流玩，就好像公交搶座位，爭落車，我見到這個小朋友自己買汽水、棉花糖，完全唔需要問父母，後來仲買多罐，我就知家庭教育嘅問題。去買雞蛋仔，明明遲買，卻要早攞…諸如此類嘅事件，我發現太有文化、禮貌，在這地都會蝕底，被邊緣化，變成二等公民。倘若不想這樣，就要跟他們一樣去爭去搶，唔好要面、唔好禮貌…

我知道我是幸福嘅人，我唔需要爭，因為成長時權利得到保障，我唔需要搶，因爲資源都分配充足，我唔需要霸，因為制度會讓人得到…我甚至可以放棄自己權利，讓更需要嘅人可以優先得到。但唔係所有人都咁幸福，甚至我嘅下一代都要延續這幸福，我不再留戀這裡嘅物質、食物，因為公義、和平並聖靈中的喜樂⋯⋯比這些更重要。

移英日記（343）包容及理解

 文明程度係跟文化，並非跟財富，「馬交」一行，很明白這一點。

乘撘「甘巴」由陸路經「講豬奧」進入「馬交」，周圍都是「天朝語」、「天朝人」，我並不是歧視佢哋，我嘅父母都是「天朝人」，換言之，血緣上我也是「天朝人」，只不過出生在「大不列顛人」控制嘅地方，不同嘅奴隸主控制奴隸也有不同方法及制度，因而得出嘅奴隸也有不同素質及品格。

自我移居「大不列顛」，發現「鄉講人」對比正宗「大不列顛人」仍是十分粗野，原來99年只學到一半功夫，主因是「鄉講人」仍性急及講求效率，別人行得慢就不會等人，但我領教過人哋頂住門等我，攪到我也不好意思，又或者揸車，佢係有道路優先權唔應該讓我，卻沒有用盡這權利，我才驚訝自己係咁無禮貌及文化。

見到部分「天朝人」撘車勉強去迫，扶手電梯又係咁，如果你真係急想行先，講聲「唔該」，我真係冇問題，商場門我頂住讓家人進入，跟住家人都未入，幾十個「天朝人」就借勢擁出，我好像服務員一樣，這麼多道門，個個有手有腳，沒有讓有需要嘅人先進入，十分冇禮貌、低文化，我看到只有「馬交人」在公交讓座俾有需要人士，跟「鄉講人」有同一水準。

這次經歷讓我從另一角度睇禮貌，「大不列顛人」睇移居嘅「鄉講人」，咪好像今日「鄉講人」、「馬交人」睇「天朝人」一樣，咁低俗、咁冇禮貎，我哋只學到一半，並不是全部，要學習多些包容及理解。

「馬交」跟「鄉講」已經今非昔比，但餓死嘅駱駝比馬大，物質上比「大不列顛」這些窮鄉僻壤仍然優勝許多，不過外表優勝，內心也是重要，許多人表面風光，但裡面爛晒，卻令我卻步。神也不像人睇人，人是看外表，神卻是睇內心，俾你做「富裕」嘅「天朝人」？還是「貧窮」嘅「大不列顛人」呢？

（馬交都可見到「大笨鐘」，唔使去「淪噸」。）

（這些不過普通食物，但對於移居窮鄉僻壤地方來說，能夠吃到這些卻是難得及感動。）

（去完「夢幻世界」，人工做出來嘅野好像很靚，但自己個仔及友人個女離開場館情緒都出現問題，我知道這感覺跟我哋細個去完卡拉ok一樣咁失落，多巴胺缺乏症，太依重物質也會這樣，個仔日日要買玩具，我一定會離開這個邪惡地方幫個仔戒毒。）

IB投資系列：小心爆倉

 去到「馬交」，也是紙醉金迷嘅地方…

不過我無論去到那個時區，都會炒股，努力賺錢。

我聽到周遭都有打扙嘅風聲，表面上只不過小國嘅爭鬥，沒有影響力，但別忘記當日亞洲金融風暴也是由「太國」開始，「阿洲」冧檔對「尾帝」有利，尾元跌冇問題，只要列國一齊跌就冇問題，「鵝污戰爭」攪掂了「勾洲」，只要「阿洲」冧埋，尾元地位就穩如磐石。

本星期賣了九張期權，收了一皮講元，幫補一下。賣期權，收期權金係是高機率操作，只要唔貪心，九成以上都係白收期權金而唔需要承擔其中責任，但要控制人性嘅貪心卻不容易，賣期權嘅風險可以係無限，沒有底線，可以令你爆倉，不得不防，建議有多餘金錢，可承擔期權責任，接貨完全冇問題，才賣看跌期權，倘若有貨，可承擔期權責任，強制在某價格沽貨賣出，才賣看漲期權。示範只供教學參考，並非投資建議，生死各安天命，我嘅期權不敗之身早早破處，以前每星期賣一張，收幾舊水到一千蚊，要死真係好難，現在收成皮野，風險就不一樣。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：投資錯了，一無所有

 我細個嘅時候已經聽到許多人因「倒錢」出現問題，由於小朋友唔理解同音異字，將「賭」視為「倒」，腦中立刻有個影像，有人將一桶桶錢倒入大海，點解有人會咁愚蠢？

長大後當然明白兩字之別，但「賭」跟「倒」分別也不大，因為賭博係高風險、低機率嘅操作，跟買賣細價股、妖股差不多，所以高風險投資都是賭博，也是「倒錢」。

投資都要睇時機，牛巿升多跌少，當然要踴躍參與，熊巿跌多升少，自然要忍下手，現時波濤洶湧，要靜其變，然後可以圖也！切忌輕舉妄動，招致損失！

最近我都有睇投資嘅YouTube ，又要sell這樣，又要sell那樣，由開証劵戶口、VPN、課程、入會課金，再教埋點做YouTube ，如果真係咁掂，要攪咁多花臣野，流量成為主要或相當比例嘅賺錢工具，才會這樣。我細個成日聽老豆講，寫馬經嘅人，如果真係掂，將一萬幾千賭上，已經掂晒，何必賺這些雞碎稿費？電視台又見到「四萬點審大師」，退咗休仲唔搵窿捐，四萬點都未到，竟敢重出江湖，妖言惑眾，真係厚顏無恥！正所謂：「衣食足而知榮辱」，睇嚟條友都唔係好掂！

（信你嗰個最戇居！2024講到宜家，「尾股」都未大冧，「痕指」也未上四萬。）

我今鋪旅居「鄉講」，接觸很多人及事，好多都係表面風光，有一對夫婦以前曾跟我們一起去旅行，今日驚見他們已經爛晒，面書展示仔女大學畢業照，原來只不過表面風光，細細個迫仔女讀書，沒有好好營運個家庭，夫婦關係明存實亡，與仔女關係惡劣，仔女精神也出現問題，想盡快了斷自己，究竟為了甚麼？我哋盡一生努力就係換來這結果嗎？

投資一個家庭、一段關係，也是十分重要。我跟個仔一齊游水、一齊踏單車、一齊返酒店沖涼、一齊打機，佢肯定唔係十優狀元，肯定入不了牛津、劍橋，咁又如何呢？人嘅價值真係要靠這些証明麼？「迫鹹」封爵就真係值得鬆毛鬆翼！神只係睇到左手做善事右手全唔知嗰啲，俾一杯涼水給最細、最唔顯眼嘅弟兄，神才會獎賞。外表風光、裡面爛晒，任你怎封爵、拿督、太平紳士、甚麼慈善基構主席、總理…天國一概冇分。

（在人豐富，在神貧窮，正好反映世人所追求。）

（本星期有賺有蝕，少少地賺三皮，期權賺一皮四，即四皮六，記住永遠唔好當自己賺錢，投資永遠有賺有蝕，賺嘅錢永遠可以讓你可以涯過寒冬，並不是讓你「逍遙法外」，遍離法則。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

愛丁堡詠春：呃人唔落本

搏擊一定要計算。

簡單講，男勝女，黑人白人勝黃種人，重量級勝輕量級，職業拳手勝業餘拳手，業餘拳手勝興趣班大師，興趣班大師勝普通從事文職不懂功夫嘅人。

吓！學完所謂國術，只能打敗不識功夫嘅文職或者女人，功夫師傅！食屎吧！現實就係咁殘酷，就算你詠春嘅黐手幾了得，只要對手係較落地啲搏擊功夫，如拳擊、泰拳、巴柔，即使同屬興趣班level，落敗機會也相當高。

一定有人反駁，詠春師祖五枚師太、嚴詠春都是女流之輩，又怎解釋？一則詠春歷史都是口傳，版本很多，內容也不準確，當然我不否定創拳人都是女性，但她們打敗也不過是無名鼠輩，並非大內高手，與清延派出大內高手追殺孫中山，完全兩回事。

今日你要証明你真係打得，唔係你話求其打敗過人就可以，一定要在公開場合，打敗過其他人，李小龍、黃公就係做過這件事，有贏有輸，引証了拳法嘅真偽，但絕大部分學詠春、國術嘅人，沒有經過這個洗禮，動作幾靚都好，都冇落過水，係咪識打也很大疑問，就好像一個學游水嘅人，在岸上、池邊練了很多年，動作好靚好熟，就算世界冠軍也不過如此，但係佢一日未跳落水，都不能假設佢真係識游水。

今日許多功夫大師翻車事件，就足可証明這類大師唔係冇料，但佢嘅料只能打敗唔識搏擊嘅人，當然我也要公平咁判斷，就是公開拳賽，體重有太大差異，也不能接受，而且上擂台都是當打年紀，拳怕少壯，於是問題嚟到，點解在年紀、體力嘅劣勢下仍然去打呢？因為佢哋以為技術嘅差異，有壓倒性優勢，足可補年紀、體力嘅劣勢，但事實証明技巧嘅優勢係被嚴重誇大。

好像羽毛球嘅林丹，冇人會懷疑其技巧，但年幾大了、廣告多了，操練跟不上，明顯力不從心，當年比賽，最後三甲不入。

拳王泰臣就更加清楚，老了就係老了，唔係技巧就大晒，體能、力氣才是主因。

再者，有的所謂技巧也是呃人，或者未經實，或者黐手得，實戰唔得，多的是。

好多詠春都係得個樣，最慘許多呃人都唔落本錢，個樣都唔得，做得好難睇，練咗幾十年詠春，正常計，唔打得，都睇得，偏偏就係戲都費事扮，覺得學嘅人無料、白痴，求求其其就算，你教拳收錢㗎，做戲都要做足全套，「盗亦有道」，在「莊子」中，盗跖嘅門徒問他，盗賊是否也有道義？盗跖回答：任何行業都有道義，即使盗賊也有。翩翩詠春卻沒有，或者正確啲咁講，好多所謂嘅「師傅」沒有。

（「拍手衝拳」，拍手用了橫力，如果對方嘅拳唔醒，都得嘅，如果如圖中所示嘅轉馬，左實右虛，虛嗰邊出拳會有力嘅咩？咪玩喇！肩向後、拳向前，沒有協同作用，距離上也不過勉強掂到對方，沒有作用，呃人就得！我哋唔細㗎喇，講句唔好聽：「嗰頭近」，小心收尾嗰幾年，「成哥」都講真話喇！「爸飛突」都講真話喇！「尾元要落地獄喇」）

移英日記（342）離開邪惡地帶

 去到「鄉講」，暴飲暴食，實在對健康構成威脅。

當中不少更是放題、放題、放題，任飲任食，我唔需要客觀數據，也知道各類指數都上升，危機上升。

對於我個仔而言，受物質毒害嚴重，無論係親戚送或自己錢買，也到達「多巴胺成癮」嘅地步。

雖然使錢並不會動搖我嘅財務穩健，始終食野有限錢，加上無論我去了那個時區，都唔會停止炒「尾股」，維持收入，但為了家人健康，都需要盡快離開這個邪惡地方。

跟朋友相聚，知道經濟很差、樓價下跌，佢自己收入也減半，也經常返大陸拗生意，妻子也有癌症，執番條命，但痊癒後仍然奮力工作，因為在頂級銀行工作，不肯放棄，放工又迫女兒功課，壓力過大，有精神病，小朋友放暑假等於沒有放，女兒繼續返各式嘅班，繼續學習，跟我嗰種hea養，食、玩、瞓，成了極大對比，我嗰仔昨晚仲提醒我明早一定要買「勿當奴」開心樂園餐，因為出了新玩具。

友人都後悔當初沒有移民，但當時賺緊錢，也很難走。我告之他已錯過移民最佳時機，佢層樓等於白供及要蝕讓，攞唔到幾多錢走，去到「嬰國」，一人工作養家係冇可能，除非揸巴士。加上「嬰國」冇家庭傭工，要自己照顧仔女，妻子也要抽空兼職，以前做大銀行，要轉做基層工作，可唔可以呢？

繼續咁行，遲早爆煲，妻子癌症及精神病復發，全家人燒炭死，要佢放低工作，或放低唔迫仔女，又難過登天，好像冇出路…。

其實移民與否，並非唯一出路，最重要自己心態，會否受周圍嘅人左右，以及最重要知道自己想點，天無絕人之路，「鄉講」係我哋主場，一定生存到，問題係我哋是否願意放手，外面幾咁風光，但裡面爛晒，又有甚麼意思，講真，未來AI已可取代人類，仔女讀書幾叻，真係有用咩！倒不如讓佢自由發展，發揮所長，咁仲好！

（人好多野都係表面風光，好像「迫鹹」個老婆「唯多脷阿」，廿幾年只吃細塊魚及烚菜，日日做運動，係keep到身型，係讓佢可以在上流社會驕傲，但係咪真係開心呢？）

（廿幾年吃同樣嘅野，只能說毅力，談不上開心。）

（即使keep住身型，也難敵小三，因為新鮮感。）

移英日記（341）有甚麼好怨？

 當某些事件發生，各國攞盡光環，然後反轉豬肚就係屎，紛紛收緊移民政策，倘若只收緊新來者，完全冇問題，但卻對已移民者相當唔公平，有的去完「寶島」，再去「嬰國」，兩度移民，最後敗走回流。最後得到甚麼？有的離婚、有的錢又用晒，回流做低下職位等等。

其實佢哋做錯乜嘢？就係信錯人，活在美麗嘅幻想之中，好像「東張」最近報導一單情騙，幾十歲老女人會有小鮮肉喜歡？唔好咁天真，只會為錢。我唔怕講得難聽，所有年幾嘅男人都只會喜歡30歲以下嘅女性，女性亦然。當然我們不能武斷被騙嘅人蠢，學過16型性格都知，這類F人係用情感做決定，並非理性做決定。唔怕坦白講，我也是F人，只是受了多年風霜，老豆老母死都冇流淚，已經鉻了心。

最近撘巴士、地鐵，唔使開口，一睇就知「北妹」，化到天仙咁靚，不必手機美顏偽裝，仿如瓊瑤書中嘅角色，咁又如何呢？落咗裝又變回普通人，唯一值得讚賞係易容術了得。

 

（小說世界係幻想世界，文人多大話，全部假㗎！我文化水平低，沒有睇過這些作品，但睇過這些電視劇，就知唔簡單。）

（人唔為錢，為什麼？唔通貪你夠老麼！）

（如果你冇錢，會有野黐埋嚟麼？霎戇！）

講番正題，這次返回「故鄉」，感覺好像旅居咁，只要解決瞓覺及洗衫問題，周圍食下野，約下親戚朋友，甚是自由。

雖然離開「嬰國」不毛之地，吃盡美食，食物係有滿足感，但原來我們卻不是咁依賴食物，更重要有選擇嘅自由，這裡有外出食飯嘅自由，更有住家飯吃，仍可繼續炒股，本來嚟到這時區有利炒「講股」，「薈瘋」升至100元，我也不會動心，因為我已鉻了心，睡前仍落盤炒「尾股」，三四點又扎醒繼續炒，盤後落埋order，再睡覺或寫下網誌，整理下自己思緒，祈下禱等等。

移民跟投資也是一樣，係講時機，過往有的人賣了樓去移民，當地又買了樓，後來唔適應或搵唔到食要回流，講樓急升又買唔起或買貴樓，整個移民週期係蝕兩次錢，好像發了一場惡夢一樣。

這次就算俾「嬰國人」跣一鋪，至少賺一次錢，許多人賣了「講樓」，買三間「嬰國樓」，一間自住，兩間收租，已經財務自由，有甚麼好怨呢？就算我呢啲窮鬼，也可炒股度日，年年度假，去「得國」、「發國」、「犀扮芽」等國，去「勾洲」好似好高級，咪窮鄉僻壤，邊有「舊鄉講」咁發達，今年仲可以探親，有甚麼好怨呢？