IB投資系列：盡量避免賺陰騭錢

 如果一個人冇錢，仲亂咁使錢…

一係好傻，繼續唔做野，以為有人幫佢埋單。

一係好醒，真係有人幫佢埋單。「搵訂幣」攪掂短債，軍事及關稅協迫攪掂長債，咁就攪掂晒！

尾帝負債嚴重，並不是窮，因為「高奴」唔使交稅，而頂級企業交稅少於1%，每次量化寬鬆印銀紙，絕大部分流入高奴手上，到交稅時卻一毛不拔，試問政府怎會有錢。

這次「大而尾」方案也是刧貧濟富，減窮人福利，然後可再減富人稅，其中更豪花1500億加強軍備，意圖繼續稱霸全球。咁軍工股咪發到豬頭！「鉻黑瑪叮」、「擂臣」、「菠陰」都是要留意，最後股價「鉻黑瑪叮」跌、「擂臣」及「菠陰」升，1/3輸，2/3贏，始乎值搏率高。講真，高奴早早平價入貨，升都係高奴賺錢，好似某基金公司，早年從沒有講虛幣，但後來竟然出虛幣ETF，規模也不少，咁即係早年不住低價入貨，到時機成熟，就叫好叫座，順勢推出ETF，打包出售，你估真係幫你哋投資麼？係幫自己走貨咋！

買股要睇時機，「鉻黑瑪叮」嘅武器失效，「擂臣」嘅飛彈射歪，「菠陰」再空難，股價回調，或許可以考慮入巿。

要記住我哋唔係聖人，冇辦法改變世界，只有順勢而為，有些事情係睇唔過眼也好，也要作出精明嘅投資決定，只不過有的股票如煙毒股、大麻股、賭搏股、藥廠股，如果受良心譴責，寧可唔買，武器股都係賺埋啲陰騭錢，靠死人來發財，「我不殺伯仁，伯仁因我而死」，唔好以為與你無關，只要你因該股票賺錢，也有一定道德責任，你賺嘅錢都帶著血，就好似一間非法地下賭場，只要你有夾股投資，即使你冇直接參與營運，也唔代表你冇罪，神必追討。

（你炒得股票，你一定對這些上巿公司有深入了解，佢哋係善係惡，冇可能唔知，正所謂：「無商不奸」，始終佢唔係開善堂，問題係咪做得太過份呢？你自己心中有數。）

（本星期賣了九張期權，賺1807尾元，即一皮四講元。這次返嚟漁村，都要使幾皮，點都要賺番多少幫補下。純粹個人分享，沒有任何投資建議，生死各安天命。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：陰乾全世界

 尾帝嘅陰謀，我哋必須理解。

起初都以為用啲虛幣，呃下人錢便算，原來有更大陰謀，買虛幣必須兌換「搵訂幣」，而搵訂幣要找尾元、尾債支撐，就自然有水魚買尾元、尾債，支撐尾國洗腳唔抺腳嘅經濟。

當然「搵訂幣」買嘅，通常係流動性較高嘅現金、短期尾債、債基為主，長期尾債仍要透過戰爭、關稅協迫，讓各國重返談判，環球各國雖然不服，但高比率關稅係即死，迫你買長期尾債係遲啲死，在沒有選擇情況下，許多國家唯有妥協。

尾國點解要炸「依郎」，表面係幫「耳惜裂」破壞「依郎」核設施，實際係因為呢啲「甘專」國家想另起爐灶，建立尾元以外嘅體系。要知道要將鈾235濃度要提升至90%以上，需要數千台高速離心機連續運作數月甚至數年，再者將核彈頭安裝在導彈，必須將其縮小化，難度之高，絕非「依郎」嘅工業及科技水平可做到，十年都好難做到。

（當年找唔到「依拉黑」大殺傷力武器，今日「依郎」都冇核武，佢哋被打，因為唔聽話。）

你以為尾帝只攪「爛頭卒」，「污黑難」沒有尾帝幫助，早就死了。「鵝攞屍」、「天朝」全部入晒ICU，人口減半，經濟崩潰，已經去到亡party亡country嘅地步，再唔聽話，就100%、200%…500%關稅，立刻certify死亡。

（「甘專」國家妄自尊大，意圖去尾元化，尾國定必會對付。）

（尾帝聰明法案生效，虛幣股反跌，因為低價值及低成長指數，投資要小心，問清楚AI，參考下佢嘅意見先。）

（本星期賺三萬九，連埋期權，四皮半講紙左右，之前也蝕很多，所以要睇一個月、三個月、半年、一年，就知有冇賺錢。網上嘅野，通常報喜不報憂，制造不敗傳說，如果唔係點氹你入會、「彼闖」課金，我蝕兩球都有，唯有死死地氣去打工。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（340）呼之則來，揮之則去

 出嚟社會做事，第一步要識睇人哋嘅眉頭眼額，有些事情唔使講到出面。有關於移民政策收緊也是一樣，「私己賢」唔需要講到明禁移民，或者冇義務遵守上屆政府政策，只需推出白皮書文件，就足以告訴你哋這班外來嘅「低奴」，唔好再妄想再進入「已日落帝國」了。

對於已嚟到「已日落帝國」嘅「低奴」，本來已放棄了原居地嘅一切，或甚有的由「中奴」降格做「低奴」，由指指點點，變成俾人點到頭都昏，已經懷疑人生，竟然告訴佢埋唔到尾，五年變十年，英語考試B1變B2，再改埋Life in the UK test，都肯定唔係改淺，而係改得更難更深，咁即係想點？要你知難而退。

然而有的帶著仔女嘅家庭，原先打算入藉後交本地生嘅大學學費，現在推遲你入藉，變相要你俾國際學生嘅學費，許多人來到這裡係賺最低工資，試問怎可能負擔得到呢？如果差不多永居及入藉，當然涯埋佢，搏佢政策未咁快實施，但倘若仍有幾年時間，就必須預早部署，免得臨時慌亂！

還記得當日各國伸出援手，為公義發聲，今日反轉豬肚就係屎，這跟那些說「攣盒星名」只不過歷史文件，有甚麼分別呢？到頭來只不過是「人球」，成為大國博弈嘅籌碼，呼之則來，揮之則去！

（這就是真正嘅英國價值觀，身體係最誠實。）

（有政客怕嚇唔走你，提出更嚴厲要求，5+1變10+5，佢自己都係有色人種，唔係傳統白人，羞恥之心都全無，倒不如要求膚色要漂至白人水平，才能入藉吧！「私己然」固然係垃圾，「拍單拿」更是一丘之貉。）

多年前某弟兄曾叫我投資「胤離」，當年我在教會服侍，薪酬微薄，何來有錢？不過這地方每過一段時期就招商，叫人投資，每過一段時期就排華，燒晒你啲野，搶晒你啲野，趕你走，攞你命…這些手段，各國都一樣，呼之則來，揮之則去！

等你哋班契弟移民買晒樓、做生意，跟住又興起反移民，話你哋搶高樓價、搶了工作、搶了醫療，將政府施政問題轉移到移民身上，我哋唔係由法國坐橡皮艇嚟嘅經濟難民，住酒店、攞津貼，我哋俾足錢申請，租屋、生活自給自足，工作賺錢交足稅，睇醫生也不是免費，係俾足幾年國民保險費用，你話我哋冇貢獻，講這些話嘅人良心去了邊度？

移英日記（339）朝三暮四

 我以前都曾去過軍人控制嘅國家，因為信耶穌，倒要盡一點點責任，就係傳福音，你自己得救，也有責任去救人，出發前，領隊多次警告，就是政治人物嘅名字，就是用廣東話也不可以講，免得招惹麻煩。

成語「朝三暮四」，其實指出事物嘅本質沒有改變，但猴子嘅喜怒卻不同。講真，去過外國就知，某些野你係多咗，例如可以批評政治，睇醫生免費等福利，但後來發現，不能批評同性及多元，以及稅務繁重，一加一減，咪一模一樣，點解要好像愚蠢嘅猴子覺得高興呢？

原來好惡係來自比較，某軍政府國家，講個名都唔得，咁「漁村」算專制麼？某封閉國家，用高射砲對付異見人士，「漁村」只係限制你自由，仲醫治你嘅身體，保住你條命，作為籌碼，日後跟尾帝傾掂數，「保外就醫」就自然會放你走，咁算專制麼？都係嘅，睇吓你同邊個比較。

異見人士被殺，真係水洗都唔清，囚禁反而係保護嗰個人最好嘅辦法，清茶淡飯，好像虐待，但卻是醫療高血壓、糖尿病嘅最好良方。

如果你話唔守信用嘅人係可恥，咁以下政客咪一樣咁可恥。

「漁村」超勝大不列顛嗰啲窮鄉僻壤…

「漁村」去邊度玩又得。

吃甚麼也得。

甚麼美景也有。

有甚麼地方比這裡更美呢？

IB投資系列：人類歷史就係奴隸史

 人類嘅歷史，就是清清楚楚嘅奴隸史。

（《山海經》將務農（樹穀）與劃疆（分壤）並列，繼而述及戰爭（戈矛刀鎩）與貧富不均（能拙之別），筆法同耶魯政治學教授斯科特（James Scott）近作《反穀》（Against The Grain）要旨不謀而合：古代以農立國的歷史，就是暴力與奴役的歷史。）

我哋常常都以為人類由遊牧走向農耕，是走向文明，古代人類厭倦遊牧不穩嘅生活，透過農耕穩定下來，人類嘅文明、科技得以發展，才有今日嘅光景…云云。

這不過是精英階層、統治階層愚民洗腦嘅教育，由遊牧走向農耕，人類沒有好過，由於食物單一，導致營養不良，人畜密閉，導致傳染病嚴重，健康嚴重出現問題，壽命大減，咁點解要迫啲人耕種呢？不就是有利管治，農業嘅出產也有利稅收，壯大國家機器。城牆、關卡，一方面抵抗外敵，一方面避免農奴逃逸⋯⋯

今日也是一樣，只不過將古代嘅城牆、關卡，變成出入境嘅海關，你沒有出關嘅公文，你可以自出自入麼？

我可以周圍走、周圍住，只不過俾了錢，買了一些特權及許可，並不是我真的具備這自由，BNO visa從來都不是免費，又申請費用，又國民保險，又各類稅收等等。

一般嘅出關公文，最多都係90日至180日，即係要指定時間要返回自己所屬嘅籠裡面，當然對比封閉嘅籠如「不寒」，裡面嘅人終身不得離開，已算自由。

不同嘅籠，大細有別，形狀有別，規限有別，作為奴隸，絕對自由根本不存在，政治嘅籠、宗教嘅籠、文化嘅籠、意識形態嘅籠，各式其式。

面對奴隸反抗，任何一個奴隸主都一定會鎮壓，沒有分別，問題係用拳腳？定係槍砲？

（某些地方係用高射砲。奴隸唔聽話嘅後果，亦震懾其他奴隸不敢作反。）

做奴隸，唔可以做得太低級，郁都冇得郁，也不能做得太高級，即使做到最高級也要盡量低調，免得招到奴隸主嘅顧忌。

（頂級高奴都唔可以不可一世、目中無人，否則地位難保。）

當你知道自己係奴隸，去到不同地方也要跟不同奴隸主嘅法規，有些地方不能吃豬肉及飲酒，有些地方禁大麻，有些地方禁電子煙，有些地方禁談政治，有些地方不能歧視同性及多元…任何人都要適應及接受，不過由緊去鬆容易，由鬆去緊困難，大家明㗎啦！

（有啲嘢要實地觀察，唔可以聽人講，我所見，漁村沒有很大分別，係規矩嚴咗，書展只有許可書籍，吉鋪多咗，因為業主不肯或不能減租，令經濟不能有調節能力。）

（有些頂級高奴，又有能力、又高調，買佢哋公司嘅股票需要極度小心，免得招致損失。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：奴隸不是主人

 有的人睇我個網誌覺得好好笑，邊會有人自認係係奴隸，仲出言不慚！我告訴你們，只不過你哋做奴隸做得太久，足足數千年，自己也不自覺。

我以前曾經一日十幾小時工作，有一次做得太夜，又冇晒巴士、小巴，中間嘅時間太短，我拉閘自己在鋪頭內睡，第二日反正又返早，足足返了廿幾小時。

你可能覺得誇張，許多人做到猝死，或者做到生無可戀自殺，大有人在，只不過傳媒唔會講。想深一層，點解做人要做到咁辛苦，如果你真係自由，大不了東家唔打、打西家。

我舉家去到大不列顛，由小兒返學就明白了，又冇功課，又冇考試，又冇名次。換轉在東亞受「愚家」思想洗腦地方，早早要學前預備班，學習各樣技能，跟住各式補習班，如果去到中學、大學入學試，都可以理解，問題係未返幼稚園已操，正式返學以外又操，面對大考更要操，習慣了涯夜，訓練有數，將來大個要勤奮工作、OT工作，完全冇問題。

你俾「嬰國佬」，要佢OT，睬你都傻！

現代教育最初在「得國」崛起，為了訓練工廠工人，古代「天朝」科舉制度，為要篩選人材用作管治，同時消耗士人嘅精力，方便管治。不同嘅奴隸就需要不同嘅奴隸訓練，奴隸學院分：文、理、商、工等科目，西方嘅奴隸越來越懶惰，生產力不足，不得不將生產轉移至東亞。尾國真係民主麼？總統不出「文煮」、「龔禾」兩黨，真係人民作主？做人唔好咁天真喇！

（你有佢哋嘅樣貌、才華，都唔會輕身吧！但地獄式嘅工作，做到想死，實不足外人道。）

（這個世界只有少數人係清醒，「獅子哥」好野！「搵訂幣」唔搵你笨，使乜搞咁多大龍鳳！得閒過頭咩！「搵訂幣」係賭場嘅籌碼，或者遊樂場嘅代幣，你去「尾國慕險樂園」換代幣，你會覺得代幣有價值麼？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：貨幣大貶值

 尾債喺咁跌，「天朝」、「東瀛」等國，到期又唔再續，借勢減債，保險公司、銀行又隨時斬倉，網紅Ko Ko哥叫人接，都接唔晒㗎？佢係搏減息印錢，「尾攣處」買尾債，但佢會唔會敢樣做？幾時做呢？真係冇人知。

買短債作為資金泊岸，冇問題，買長債搏佢短期減息印錢，其實都係賭大細，一半一半，因為尾攣處一定會炒底買尾債，但一定要令你蝕到雞毛鴨血嘅時候才會出手，你唔蝕，佢又點會賺呢？你唔蝕到仆街，佢又點賺到盤滿缽滿呢？

當巿場嘅人死到七七八八嘅時候，尾攣處就會出手，平到賤價去買入，然後再降息，將尾債推上去，莊家永遠舞高弄低，賺取最大利潤。

買尾債非但賺唔到錢，賺息蝕價，蝕住走，俾你揸到尾，等到尾攣處減息買債，又減息又印錢，尾滙又唔知跌幾多了，早前尾滙已跌10%，俾你5%，你都要蝕錢，邊有咁大隻蛤乸隨街跳？水魚就大把。

當尾元下跌，各國滙率變高，出口便不利，一定要印錢壓低滙率，你印我又印，大家齊齊印，全球性超級通脹出現，可憐貧苦階層，只會越來越困難。

（「尾債」經歷247年最大熊巿，係咪真係抵買？你自己憑智慧判斷。）

（本星期賣了9張期權，賺了965尾元（7527講元），但正常家庭都應夠使了，不應貪心。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：俾你改變身分結果也是一樣

 日劇有些很有啟發嘅地方…

以前有一個真人show，也有類似意思，讓一個有錢佬變成一無所有，最後佢也可以變回有錢人。同樣道理，一個窮人突然變成有錢佬，如果他甚麼都不變，最後佢也變回窮人。

唔怕坦白講，我都係一手爛牌，讀書又唔得，運動又唔得，玩又唔得…一生渾渾噩噩唔知做乜！但要知道越爛嘅牌越要畀心機打，你先有機會改變，雖然我都知自己係甚麼新撕蘿蔔皮，至少都由「賤奴」升級至「低奴」。

錢係滿有銅臭，但有個臭錢，出入都方便一點，撘完飛機，可以立刻打的返酒店，唔使迫車迫路，一身臭汗去「松興大廈」，忍受曱甴、床蝨之苦、人多路雜之苦。

要食嘅野，唔會食唔到，要買嘅野唔會買唔到，做人多暢快！

（有甚麼地方比「漁村」更美？去埋嗰啲大不列顛窮鄉僻壤，係咪真係好呢？好值得深思！）

（「各有前因莫羨人」，某網紅Options期權金都收九千幾尾元，佢話每月一次操作，一年收12萬尾元（93.6萬講元）。我收幾百尾元都敢post出來，真係唔知醜，始終「低奴」跟「中奴」有區別。人哋定投「虛幣」係用賺嘅零錢，虛幣冧檔佢都唔會死，普通人不能隨便模仿。）

（財富係跟人，如果上一代沒有教導理財知識，即使留幾多，一手好牌，都可以由「高奴」變回「賤奴」。）

（「波仔」都係咁先。）

（「三色台」簽約一年只保有一個show錢，真係唔使食飯咩？個個唔夠工作，紛紛兼職或轉職。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：再工業是不可能

 尾國能否再次偉大？

「瘋田」已勝「桶用汽車」，成為汽車一哥。

「胸忠爸屎」已勝「菠陰」，成為飛機一哥。

「抬跡殿」已勝「嬰突耳」，成為晶片一哥。

尾國GDP仍側重服務業及高科技，製造業不住萎縮，只佔GDP10%左右，因為尾國人工高、法規嚴格，企業為增加盈利，將工序不住外包，久而久之，讓本來擁有領導世界嘅技術都失去，最明顯例子係「嬰突耳」，由一條龍設計到生產，到今日，佢設計嘅晶片，儘管買了「涯屍摸耳」最貴嘅光刻機，自己都冇技術、冇能力去生產，需要「抬跡殿」代工了。

尾國幾十年外包，生產鏈已完全掏空，各式零件供應商、熟練工人，一概缺失。再加上東亞地方受了幾千年奴隸管治，可以無限加班及24小時standby，尾國佬可以嗎？

（雖然這個有些攪笑，但也是事實，不過黃種人耐勞是建基在幾千年奴隸管治，特別係「天朝」、「東瀛」、「太極國」受「愚家」思想影響較大地區都有耐勞特質。反觀南亞地區，非常懶惰，就算人工平，生產力也不高，所以並非所有黃種人也耐勞。）

（本星期蝕27803講元，就算收期權金七千講元，也蝕兩皮。）

（本地快餐店龍頭，平均每間分店只賺3.4萬，雖然單單用盈利除分店總數，計算係較為籠統，但也反映出飲食業嘅紅燈已亮起，經濟唔係咁好，要多留現金做防守。）

（企業債務嚴重，危如累卵。）

（government 也債務嚴重。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。