移英日記（163）冇規矩，就算贏都冇人服

 任何比賽、競技都有規矩，以便這些較量都能公平、公正形式下進行。

搏擊比賽有規矩，拳手要過磅，體重要同一個級別，有賽例，要在遵守規矩條件下，得勝者才被認定及尊重。

這是文明社會，理所當然嘅事。

如果唔守規矩嘅話，一切比賽都冇意思，所有輸了唔服一方，都用武力解決，揸槍話事，就好似去賭場贏了錢，唔俾走，咁仲有人去光顧麼？定規矩嘅人，自己都唔守，輸打贏要，承諾嘅事，當冇件事，奮鬥一生，兩代歸零，唔聽話嘅，全部入獄…

雖然有些打法，唔算好光彩，但都係按賽例去玩，沒有犯規。好像泰拳對MMA，羅唐大戰大力鼠，第一round 用泰例，大力鼠迴避，最終涯過，第二round用MMA例，羅唐按理迴避，退著打，一樣可以涯過，但最終被大力鼠鎖住，他昏迷也不投降，最後裁判急停賽事，判大力鼠贏。

最重要，係守規矩下贏，最後羅唐都服，這就是守規矩嘅重要性。如果用下三流手段，插眼、撩陰，即使贏了，人心也是不服的。

(第8層嘅人係唔會守規矩，就好像美帝競選，特朗普立即被人告，攪到難以參選，問題是有些地方甚至命都冇，俾人告已屬文明。）

（當下面嘅人威脅到上面第8層嘅人，會用一切手段對付。）

（擺檔做生意都被難阻，這個日子真可怕。）