架車整好，也不敢遠行

 正所謂：「天將降大任於斯人也，必先苦其心智、勞其筋骨、餓其體膚。」

我揸的車，唔會壞的地方，都會壞，我自知黑仔，心想如果要麻煩弟兄，倒不如買新車麻煩代理，這是我一路的想法，久病無孝子，如果麻煩人太多，人地都怕咗你，但在大不列顛，仍未可以獨立，始終言語不通，有關汽車零件及問題，有許多專有名詞，要買甚麼零件，除了熟悉汽車，更要認識英文專有名詞，否則真係企係度。

講番架車，自從大車房話收八百多鎊，唯有使出「老漢推車」推到路邊，另外上網買零件，再找整車佬。

（條軸會斷，聞所未閒，試問怎有信心遠行？）

我份工很困身，自問冇閒理架車，唯有某弟兄全權主理，人工80鎊，零件105.99鎊，都唔使200鎊，整好後，某弟兄更將車駕回我家，佢自己冒雨步行十數分鐘駕車返家，攪到我幾唔好意思。

在此，我鄭重呼籲移英人士，買新車或approved car，可保平安，除非你十分熟車，英文又有番咁上下，對汽車專有名詞完全熟悉，可上網自己買零件及與本地整車佬溝通，而且對車的熱愛程度令你唔會覺得煩，咁買甚麼車也沒有甚麼所謂。