現時投資環境風雲變幻，任誰也講不出世局會怎樣？雖然知道天朝無力進攻寶島，但世事往往意想不到，不得不防，投資需要小心慬慎，否則揸都冇埋。
（天朝雖然無力進攻寶島，但說不定鷹派勢力以打扙作為支持今上永續的條件，或受制「鵝攞屍」壓力，東西兩邊戰線，欲使美帝首尾不能相顧。）
強積金全線下跌，臨老過唔到世，唯靠自己，美股回穩，盤數已經平手，努力一年，一無所有，打工都有工資，投資零回報，陰公！如果唔係靠「突屍拉」等股票短炒幫補，去大不列顛前都未平手，攞番個本，唔洗被「歪芺」黑口黑面，鵝都鵝到你暈！
加息週期殺到，一方面將負美元，轉為負日圓，減少利息支出，變賣部分「講股」套現，減少地緣風險，跟住將之兌換成美元，攞番1.83%息，債劵價格大跌，本來想買入投資級別債券，都有四厘息，但買了兩手後，價格便回升了，得三厘幾就興趣不大，始終追唔到通脹，都唔想蝕太多。
美帝並未放鬆加息步伐，雖然「敗燈」都唔想經濟環境太差，影響選舉，然而「孿柱局」卻有「不到黃河心不死」的決心，為求壓低通脹，即使攪到經濟衰退，也在所不惜，令投資存在陰影。
這個時候，投資都不能太過進取，美股仍會繼續減持，減少槓桿負債。
（文章只屬個人分享，沒有任何投資建議。）
沒有留言:
張貼留言